El Conceyu de Carreño, al traviés del Patronatu Municipal Centru d'Escultura de Candás, Muséu Antón, anovó'l so compromisu cola Universidá d'Uviéu cola firma d'un Conveniu de Cooperación Educativa ente les dos entidaes pa la realización de práctiques esternes del alumnáu universitariu.
La realización d'estes práctiques universitaries n'empreses, instituciones o entidaes públiques o privaes, anque tán regulaes pol Real Decretu 592/@014, de 11 de xunetu, y pol Reglamentu de Bones Práctiques Esternes de la Universidá d'Uviéu, riquen de la suscripción previa d'un conveniu de cooperación educativa por dambes instituciones. Esti nuevu alcuerdu de cooperación ente'l Muséu Antón y l'Universidá Uviéu va tener un vixencia de cuatro dende la firma del mesmu, anque va poder prorrogase espresamente y por escritu hasta otros cuatro años más adicionales.
Al traviés d'estes práctiques académiques esternes, l'alumnáu universitariu va poder aplicar les conocencies adquiríes na so formación académica, preparase pal exerciciu d'actividaes profesionales y facilitando la so incorporación al mercáu de trabayu. Polo que'l Conveniu de Cooperación va tener por oxetu fomentar la formación práctica d'estudiantes universitarios/es.
“Con esta collaboración pretendemos apurrir una conocencia más fonda y cercana de les competencies que l'alumnáu va precisar nel futuru, averar a este a les realidaes del ámbitu profesional. Con esta iniciativa reforzamos el nuesu compromisu cola empleabilidá de les persones graduaes. Contribuyir a ameyorar la formación práctica y l'empleabilidá de titulaos/es rique tamién del compromisu, la collaboración y el trabayu d'instituciones municipales qu'acueyan esti alumnáu en práctiques .Y esti esfuerzu ye posible gracies a la collaboración del personal municipal qu'exerz los llabores de tutoría col alumnáu que recibimos” –señaló Amelia Fernández, Alcaldesa de Carreño y Presidenta del Patronatu Muséu Antón-
Pa caúna de les persones en práctiques ellaboraráse un proyectu formativu independiente, que va cuntar col vistu bonu del centru al que perteneza la persona en práctiques. Nel mesmu indicaráse, ente otros, amás de los datos personales del alumnu/a, les feches d'empiezu y finalización de la formación práctica o l'horariu; el conteníu específico de les práctiques y les competencies a adquirir pol estudiante. Pal siguimientu de la formación práctica, van nomase dos tutores. El Centru d'Escultura de Candás va designar tutor/a responsable ente que la Universidá d'Uviéu va faer la propiu.
La Universidá d'Uviéu ye una universidá de calter públicu allugada na ciudá del mesmu nome. Siendo la única Universidá del Principáu d'Asturies, onde nun esisten universidaes privaes. Foi escurrida nel sieglu XVI pol arzobispu católicu Fernando Valdés Salas. Empecipiando les sos actividaes n'Uviéu'l 21 de setiembre de 1608 cola facultá menor d'Artes y les trés mayores de Cánones, Lleis y Teoloxía. Cumplíase asina cola voluntá espresada nel testamentu del clérigu, fináu en 1568.
A lo llargo de too el sieglu XIX foi una de les 10 Universidaes esistentes n'España.Y dende 1997 forma parte, como miembru fundador, del Grupu 9 d'Universidaes (G9). Esti grupu foi creáu coles mires de promover la collaboración ente les instituciones universitaries que los integren, tanto no que fai a les actividaes docentes ya investigadores como a les de xestión y serviciu. Na actualidá tien más 25.600 estudiantes y dispón de trés campus universitarios, Uviéu-Xixón-Mieres. El so presupuestu añal ronda 200 millones d'euros.
Albandi
