Empieza Tiempu Propiu en Carreño

Esti mes d'Abril, retómase l'actividá de l'Asociación Rexonal de Muyeres con tiempu propiu nel conceyu de Carreño, cola realización de dos talleres.

El primeru de los talleres formativos, titúlase"Guardemos Nuesu Saber”. Esta actividá va realizar en La Casa d'Alcuentru de les Muyeres de Carreño los Llunes 15, 22, 29 d'Abril y el llunes 6 de Mayu de 16:00 a 18:30 h. Forma parte del programa “Tiempu Propiu” pa muyeres mayores de 50 años del Institutu de la muyer, que na actualidá tien dolce vocalías, ente elles una nel conceyu de Carreño.

Nesti taller va trabayase y cavilgar como na hestoria, les muyeres desenvolvieron ensame d'oficios y almacenaron un saber faer, que tanto la sociedá como l'aportar de los tiempos encargóse de invisibilizar. Recuperar el saber faer de les muyeres supon non solo poner en valor l'aportación social del so trabayu si non tamién empoderar a les mesmes con referentes cercanes a la so redolada.

Los conteníos a trabayar nesti primer taller van ser: Oficios tradicionales de muyeres, Contribución social y económica de trabayos de muyer invisibilizados, Cúntanos la to saber faer y Referentes na to redolada.

Darréu tres la finalización d'esti taller, el programa va siguir con un segundu taller nel Conceyu de Carreño, “Sensibilización n'Igualdá d'Oportunidaes”. Esta actividá va tener llugar na Casa d'Alcuentru de les Muyeres, lo Llunes 13 y 20 de Mayu de 16:00 a 18:30 h.

Les muyeres participantes van trabayar na importancia de sensibilizar a les muyeres, na Igualdá d'Oportunidaes ente muyeres y homes conociendo'l verdaderu significáu de discriminación nel ámbitu social y familiar dexando que puedan convertise nel motor de cambéu social, familiar y/o personal. Los conteníos a trabayar van ser: ¿Qué significa la Igualdá d'Oportunidaes ente muyeres y homes?, Aprendiendo a compartir el tiempu y Construyendo contra la Violencia de xéneru.

Pa esta segunda actividá entá queden places disponibles. Toes aquelles persones que quieran participar, les inscripciones podrán realizase na Casa d'Alcuentros n'horariu de 9:00 a 14:00 y de 17 a 19:00 h. L'axudicación de places va realizase en rigorosu orde d'inscripción hasta llegar a completar les 20 places que s'ufierten por taller. Más información: Leyre Valdés Martínez, Axente d'Igualdá de Aytu. Carreño, Tfnu. 985-87-20-29