El Centru Polivalente La Baragaña de Candás, acueye la esposición fotográfica ‘Nacer neña’, una esposición de 33 fotografíes, qu'amuesa les inxusticies que sufre la muyer n'India mientres toles etapes de la so vida, dende la so nacencia hasta la so vieyera. La esposición va poder visitase del 16 hasta'l 26 d'abril nos hoarios d'apertura del Polivalente.
Ser neña n'India nun ye fácil. La esposición ‘Nacer neña’ ellaborada por Global Humanitaria y financiada por L'Axencia Asturiana de Cooperación, avéranos a les esperiencies y hestories de muyeres y neñes indies, que son discriminaes y maltrataes acaldía pol simple fechu de selo.
Inclusive dende antes de nacer, les neñes son indeseadas por considerase una carga. N'India hai munchos casos de neñes esclavizaes, o obligaes a contraer matrimoniu a una edá bien temprana, con homes que nin siquier conocen. Al ser casaes, van dexar la escuela, y la so única misión va ser trabayar nel llar y tener fíos. Munches van ser refugaes por nun xestar un varón, o pol fechu de sobrevivir al so home.
Les imaxes de ‘Nacer neña’ avérennos al testimoniu de neñes y muyeres indies, víctimes d'abusos, marxinaes y refugaes socialmente. Persones a les que se-yos negó ser dueñes de la so propia vida, y quien vieron los sos derechos violaos tan solo por nacer muyer nuna sociedá patriarcal na que son frecuentes situaciones de machismu y violencia.
Global humanitaria ye una organización independiente que, por aciu la cooperación internacional, trabaya pa favorecer procesos de desenvolvimientu que garanticen la igualdá d'oportunidaes de les persones y los pueblos. Empresta especial atención a la infancia, trabayando pa garantizar los derechos de los neños y por que éstos conozan y apriendan a defender los sos derechos.
La organización ta presente en 8 países por aciu programes d'Educación, Salú, Seguridá Alimentaria, Gobiernu y Sociedá Civil, Defensa de los Derechos Humanos y Protección de la Infancia, Muyer y Desenvolvimientu y Construcción de la Paz.
Ser neña n'India nun ye fácil. La esposición ‘Nacer neña’ ellaborada por Global Humanitaria y financiada por L'Axencia Asturiana de Cooperación, avéranos a les esperiencies y hestories de muyeres y neñes indies, que son discriminaes y maltrataes acaldía pol simple fechu de selo.
Inclusive dende antes de nacer, les neñes son indeseadas por considerase una carga. N'India hai munchos casos de neñes esclavizaes, o obligaes a contraer matrimoniu a una edá bien temprana, con homes que nin siquier conocen. Al ser casaes, van dexar la escuela, y la so única misión va ser trabayar nel llar y tener fíos. Munches van ser refugaes por nun xestar un varón, o pol fechu de sobrevivir al so home.
Les imaxes de ‘Nacer neña’ avérennos al testimoniu de neñes y muyeres indies, víctimes d'abusos, marxinaes y refugaes socialmente. Persones a les que se-yos negó ser dueñes de la so propia vida, y quien vieron los sos derechos violaos tan solo por nacer muyer nuna sociedá patriarcal na que son frecuentes situaciones de machismu y violencia.
Global humanitaria ye una organización independiente que, por aciu la cooperación internacional, trabaya pa favorecer procesos de desenvolvimientu que garanticen la igualdá d'oportunidaes de les persones y los pueblos. Empresta especial atención a la infancia, trabayando pa garantizar los derechos de los neños y por que éstos conozan y apriendan a defender los sos derechos.
La organización ta presente en 8 países por aciu programes d'Educación, Salú, Seguridá Alimentaria, Gobiernu y Sociedá Civil, Defensa de los Derechos Humanos y Protección de la Infancia, Muyer y Desenvolvimientu y Construcción de la Paz.
Albandi
