Nuevamente, la Residencia municipal d'empreses del Conceyu de Carreño vuelve agospiar a 9 empreses, tres la llegada del taller cerámicu “Caricoxes” a la oficina númberu 8 (qu'apocayá había quedáu vacante tres el treslláu de la empresa “Samaniego, gabinete técnicu alimentario”), empresa que d'esta miente se sumó a les otres 8 empreses yá instalaes na Residencia: “OPCO, S.L.” (sistemes de refrigeración y optimización enerxética), “Construcciones Bahía de Perán, S.L.” (construcción y obres de reforma), “Cloqué” (comerciu online de prendes de vistir y complementos), “La Gata Bohemia” (ellaboración de productos artesanales de marroquinería), “Menganos Producciones S.L.” (producciones audiovisuales), “El Valle Alvamar, S.L.” (construcción y obres de reforma), “ASECOR, S.L.” (comercialización d'enerxía eléctrica), y “Artemisa Alonso, florista” (preparación y arreglos florales, y organización de cursos d'arte floral).

A estes empreses tienen de sumase otros cinco, que tamién pasaron enantes poles instalaciones de la Residencia allugada na parroquia rural de Priendes, dalgunes de les cualos precisaron abandonala p'ampliar les sos instalaciones y poder asina responder meyor a les demandes de la so vecería, una vegada consolidada.

Esti preséu de promoción económica municipal nació en 2013 con vocación de facilitar la puesta en marcha y afitamientu de nueves empreses, y pa ello la Residencia Empresarial pon a la so disposición un total de 9 oficines (con una superficie d'ente 9,70 y 21,30 m2), debidamente dotaes pa la so inmediata ocupación por empreses, por un períodu máximu de 5 años. Pa facilitar la instalación de nueves empreses, mientres el primer añu éstes pueden abonar en conceutu d'arriendu una cifra que ronda ente los 19,43 € y los 40,47 € al mes, según la superficie de la oficina.