Carreño va ser pasu obligáu na primer etapa de la 62 Vuelta Ciclista Asturies “Julio Álvarez Mendo” qu'arrinca en Llugones el próximu día 3 de mayu.
Nesta edición la parroquia de Tamón va dar a bienvenida al conceyu a los ciclistes participantes, quien van percorrer Carreño hasta la salida escontra Xixón por L'Empalme. Al so pasu por Candás, les cais La Matiella, Avenida del Ferrocarril, Avenida Constitución, Carlos Albo, Pedro Herrero, Astilleros y Paséu Marítimu, van ser les qu'acueyan el percorríu y la primera meta volante de la etapa.
“Una vegada más Carreño, trubiecu de reconocíos ciclistes, va ser l'escenariu de parte del percorríu d'una etapa de la Vuelta Ciclista Asturies. Ensin dulda ye una bona noticia pa un conceyu nel que'l sofitu al deporte base ye seña d'identidá”, señaló Amelia Fernández, Alcaldesa de Carreño.
El Club Ciclista Aramo ye l'encargáu d'entamar la Vuelta a Asturies 2019, na que van participar 16 equipos.
Albandi
