El Conceyu de Carreño, en collaboración cola Fundación Mujeres, pon  en marcha en Carreño'l proyectu “Xéneru, Interculturalidá y Convivencia” financiáu pola Axencia Asturiana de Cooperación al Desenvolvimientu, dirixíu a integrantes d'asociaciones de muyeres n'Asturies.

El so oxetivu ye contribuyir a la promoción ente la ciudadanía d'actitúes favorables a la cooperación, la paz, el respetu a la diversidá, según a la solidaridá y la tolerancia ente los pueblos.

El próximu xueves 11 d'abril a les 17:00 h, nel Centru Polivalente “La Baragaña, va tener llugar la primer sesión informativa, nel intre de la mesma proyectaránse dos curtiumetraxes; “Abriendo fronteres” y “Relatos de muyeres migrantes” de sensibilización cola igualdá d'oportunidaes y de tratu ente muyeres y homes y les distintes cultures. Darréu va abrise una alderique. L'accesu ye totalmente gratuitu, pa toes aquelles persones que deseyen participar na actividá. Les persones interesaes en van poder percanciar más información na Casa d'Alcuentros de Candás.