Los embaxadores de la iniciativa en Carreño l'Asociación de Sidra Casera de Carreño y José Manuel Rodríguez Fernández, coordinador del rally de la sidra qu'entamen les Peñes marineres en Candás cada añu, apurrieron güei nel Conceyu para la so remisión al Principáu toes les firmes. D'éstes 1.348 fueron recoyíes na zona rural del conceyu y el restu en Candás.
Nun importa qué alloñaos países acueyan a los asturianos y les asturianes, nun importa'l tiempu trescurríu nin los avatares que la vida impónganos. La sola imaxe de la sidra rompiendo contra'l cristal remembra en cualesquiea una amiestu de sensaciones sacando a la superficie de la memoria les emociones más personales y íntima de cada persona. Porque'l líquidu dorao tien el so sabor, el so golor, los sos cantares, pero sobremanera, supon una gociosa celebración de grupu, de l'amistá y de la vida mesma.
La Cultura Sidrera y l'Escanciáu de Sidr” son unes de les señes d'identidá que meyor representen a Asturies nel mundu. Esta imaxe constitúi un poderosu símbolu de la nuesa tierra, nel que reconocemos y pol que nos identifiquen los de fuera. El Principáu d'Asturies consciente d'esti sentimientu, de l'ayalga que zarra la Cultura Sidrera, quier que'l mundu conoza y reconoza los venceyos d'amistá universal que zarra esta bébora emblemático. A tal fin, el Conceyu de Carreño designó cómo embaxadores nel conceyu a l'Asociación de Sidra Casera de Carreño y a José Manuel Rodríguez Fernández, coordinador del rally de la sidra qu'entamen les Peñes marineres en Candás cada añu.
"La llabor tantu de Félix” como de “Manolo” foi la de dar sofitu y xestionar l'espardimientu de la candidatura nel nuesu conceyu. Responsabilizar de la xestión del llibru de firmes de sofitu, la coordinación col restu d'asociaciones o entidaes na recoyida de tolos sofitos, apurriendo los distintivos a los establecimientos que sofitaron a la candidatura, distribuyendo material informativu y promocional y la de participar tantu a nivel rexonal como nel conceyu nes actividaes programaes.” – esplicó l'Alcaldesa.
“Carreño siempre tuvo fama de bona mano cola sidra. La prueba d'ello ye que nos años 20 cuntó con casi 90 llagares rexistraos oficialmente. Ensin cuntar aquellos otros totalmente caseros de los que nun había constancia llegal. Anguaño queden dos profesionales, n'El Valle y Albandi, pero son munchos los ellaboradores que caltienen la tradición d'ellaborala en casa. Naquellos años 20 la sidra carreñense tenía característiques propies, un estilu distintu al del restu d'Asturies. Nos sos caldos predominaba un color acoloratáu, fuerte sabor ya intensu arume de resultes de ciertes variedaes de mazanes. Colos años el gustu de la población foi variando faía unos caldos más pálidos con un sabor más nidio, nos que tuvi que ver una esmerada ellaboración y l'usu de la técnica de los trasiegos, hasta esi momentu ensin utilizar na mayoría de los llagares de Carreño. Unos caldos similares a los qu'a día s'ellaboren nos nuesos llagares” –añedió Fernández.
Na actualidá dos son los llagares profesionales que tienen la so see nel Conceyu de Carreño:
· Sidra Peñón na parroquia de Albandi. Fundáu en 1910 por Francisco Glez. Prendes, siendo'l so nietu Miguel Glez. Álvarez el verdaderu impulsor del llagar y el que-y dará sonadía. Que la so trayectoria profesional viose reconocida per dos vegaes, la primera en 1976 cuando ye nomáu Oficial de la Orde del Méritu Agrícola y la segunda en 1990 al ser el primera galardonáu col premiu Llagareru d'Oru” nel trescursu de la primer edición de la Fiesta de la Sidra Natural de Xixón. Tres el so fallecimientu en 1991, son los sos fíos quien siguen al mandu de la empresa trabayando día ente día para faer d'ella una empresa moderna y competitiva, con una capacidá de producción en redol a 1.000.000 de llitros. Y en l'actualidá la quinta xeneración, al traviés d'Arturo, yá se ta preparando para tomar el relevu y siguir col negociu familiar.
· La Hacienda de la Abuela na parroquia d'El Valle y que fabrica sidra que comercializa como Sidra Guimarán. Empezó la so andadura n'Ochobre del 2010. Ye frutu d'un proyectu que se foi escurriendo y maureciendo amodo, nes comíes familiares de los domingos, cola idea d'anovar y dar sentíu y un xiru radical a la finca sobre la que s'asitia y que mientres 40 años dedicaos a esplotación agrícola y ganadera. Empezaron llantando pumares de D.O.P., embaraxando distintes idees hasta qu'a la fin naz La Hacienda de la Abuela. Unes instalaciones nes que se compaxina la ellaboración de la sidra cola celebración de espiches.
Pero l'actividá sidrera de Carreño non yá se circunscribe a estos dos llagares profesionales, sinón que nel Conceyu esisten una variedá d'actividaes centraes nel líquidu dorao. Una cita obligada tantu nel branu candasín como nel asturianu ye la celebración del “Rally de la Sidra” mientres les Fiestes de San Félix nel mes d'agostu.
Trátase d'un acontecimientu popular y eminentemente festivu al empar que defensor de la sidra asturiano como elementu significativu de la nuesa rexón. Ye entamáu pola Peñes Marineres so la coordinación de José Manuel Rodríguez. Y en el qu'añu a añu confirma'l so puxanza y caláu na sociedá, aumentando'l so númberu de participantes. Na última edición, 2018, casi 10.000 botelles de Sidra Peñón, fueron les que 2.500 persones tastiaron n'este rally poles cais de Candás nel que destaca la diversión l'ambiente de folixa, la rises, la música y sobremanera l'amistá.
Mención detacada tamién merez l'Asociación de Sidra Casera de Carreño, que na so curtia esistencia de vida, foi creada nel 2017, atesora un ensin fin d'actividaes nes que'l protagonismu céntrase na sidra casera. Creóse so la premisa de promover, desenvolver actividaes y eventos nos que se dea a conocer y promociónese la sidra casera, col oxetivu sacar del olvidu la tradición sidrera del conceyu
Nel añu 2016 tres l'ésitu de participación na I Degustación de Carreño, celebrada'l primer domingu d'agostu na parroquia de Perlora, los vecinos y vecines en que les sos cases siguen faciendo sidra decidieron xunise y crear “l'Asociación” so la presidencia de Félix Muñoz. Nestos trés años nun pararon y na III Degustación de Sidra Casera de Carreño celebrada'l pasáu branu'l númberu de participantes de les distintes parroquies llegó a la ventena. Participando ese mesmu añu, como convidaos, nel Concursu de Sidra Casera de Piloña. Amás como complementu a les Degustaciones de sidra entamaron delles esposiciones d'elementos funcionales de llagares y delles charres y cursos nos que el pumar foi'l protagonista. Destacando'l cursu sobro la fradadura y los ensiertos y la charra sobre les enfermedaes y les plagues en frutales, principalmente nel cultivu de la pumar
Albandi
