31/3/2016

Productores de marañuela de Carreño y Gozón axuntaron el pasáu 29 de marzu en Candás al envís de buscar fórmules de garantía calidá pa esti tradicional productu alimentario local. A la xunta asistieron 6 productores de dambos conceyos, Carmen Moreno pola Unión de Comerciantes de Xixón y Carreño amás de l'Alcaldesa, Amelia Fernández y Ediles de Carreño

Alcordóse empecipiar los trámites de solicitú d'incorporación a les marques de calidá diferenciada d'ámbitu autonómicu “Alimentos del Paraísu Natural”

Na xunta tratáronse diversos aspeutos sobre la producción de la Marañuela como les distintes recetes esistentes y posible homoxeinización de les mesmes, requisitu importante pa llograr una marca calidable. Los productores finalmente alcordaron la unviada de les sos recetes a la Unión de Comerciantes según una nueva xunta a finales d'Abril pa siguir avanzando na iniciativa.