A lo llargo d'estos cinco meses, el Conceyu de Carreño contrató a ocho participantes en modalidá de Contratu para la Formación y l'Aprendizaxe.
Mientres esti periodu de tiempu realizaron les sos práctiques obligatories; llimpiando los imbornales, tapes de rexistru, el baxu de papeleres, los pasos de cebra, les zones de contenedores, el baxu de los bancos, los pasos de cebra, los rincones de los canalones, pegatines nes faroles y los cantos ente los edificios y la cera, de les siguientes cais de Candás: Pedro Herrero, Caleya Nolo, El Rincón, Santolaya, El Cueto, La Cuesta, El Calvario, San Antonio, San Félix, La Tenderina, La Vega, La Ribera y El Parque Escultóricu, ente otres zones.
El Programa Xoven Ocúpate del Conceyu de Carreño ta subvencionáu pol Serviciu Públicu d'Empléu del Principáu d'Asturies (SEPEPA), el Fondu Social Européu y cofinanciáu pol Conceyu de Carreño.
L'alumnáu del Programa “Lluz Candás” acoyó al Programa Xoven Ocúpate de Samartín del Rei Aurelio, pa realizar la llimpieza de la Sablera Palmera de Candás.
Dambos estudiantes, tán formándose nel certificáu de profesionalidá de “Llimpieza n'Espacios Abiertos ya Instalaciones Industriales”, que inclúi l'usu de preseos y ferramientes pa la recoyida de borrafes nes sableres.
Esti alcuentru foi bien enriquecedor, pa tolos participantes d'esti programa, yá que-yos dexó compartir les sos conocencies adquiríes mientres el cursu, al empar que tener un primer contactu cola llimpieza de sableres, de gran interés pal so futuru formativu-llaboral.
Albandi
