Na web municipal publicóse'l LLISTÁU PROVISIONAL qu'inclúi les persones almitíes y que por tanto, opten a l'axudicación de los Güertos Públicos Sostenibles Municipales” allugaos en Candás.

L'oxetivu de la creación de los mesmos ye ufiertar un espaciu d'esparcimientu y actividá pa les persones promoviendo una ocupación saludable cola recuperación d'espacios urbanos para usu púbicu y de variedaes agrícoles autóctones. Amás de fomentar la participación ciudadana y el desenvolvimientu sostenible xenerando espacios de biodiversidá nos que promover bones práctiques ambientales de cultivu, una alimentación sanu y un cambéu nos vezos escontra unos más saludables.

Cuntar con un reglamentu de funcionamientu que regula les normes d'usu, derechos y obligaciones de los y les usuaries, los horarios, les posibles prohibiciones y el procesu sancionador nel casu de cumplir col mesmu. Inclúi, tamién, tanto los criterios de la so axudicación como los requisitos necesarios para poder aportar al so usu. Pudiendo optar toes aquelles persones vecines de Carreño mayores d'edá que figuren inscrites nel padrón municipal d'habitantes con una antigüedá mínimu d'un añu y que nun tener terrenes nel conceyu susceptibles de ser cultivaos.

Mientres el plazu d'inscripciones, 14 persones formalizaron solicitú cumpliendo colos requisitos necesarios para la so axudicación 11 solicitúes.

PLAZU PARA FORMULAR ALLEGAMIENTOS/RECLAMACIONES AL LLISTÁU

Tres esta publicación del LLISTÁU PROVISIONAL ábrese un plazu de 10 díes naturales, a cuntar dende a otru día a la publicación de la llista d'almitíos/as, nos cualos quién nun fueren almitíos/es van poder presentar la reclamación qu'envaloren más oportuna contra la mesma para poder selo. Tal que dispon el art 18 “Llista d'almisión y axudicación” del Reglamentu de Funcionamientu de los Güertos Públicos Sostenibles”.

Estos primeres “Güertos”, que se van axudicar, dispónense sofitaos nos caminos col fin de tratar d'alteriar al mínimu la topografía de la parcela. Tienen un superficie ente los 35 y los 50 metros cuadraos. Por cuenta de la orografía del terrén dispónense en bancales que van facilitar les llabores de trabayu y movilidá, con una diferencia máxima d'altor ente ellos de 55 cm. Esti escalonamientu resolvióse con unes chapes metáliques fincaes nel terrén. Cada unu d'ellos cunta con un grifu con un contador individual conectáu a una arqueta.

Rematáu'l plazu de reclamaciones y resueltes estes, va publicase la llista definitiva d'almitíos/es. Va Ser el momentu de l'axudicación y distribución de les parceles. Esti procesu va faese por concursu de puntos, axudicándose una única parcela por sortéu a cada solicitante pal so cultivu. L'axudicación pol criteriu de puntos va rexir por un baremu de puntos ente los que hai que destacar: por permanencia nel manifiestu d'interés 4 puntos; por ser mayor de 65 y menor de 30 años 1 puntu; por tar na situación de desempléu la persona que la solicita 1 puntu. Siendo esta por un plazu máximu de 4 años naturales prorrogables.