30 Persones, que taben en
situación de desempléu y fueron contrataes como alumnáu-
trabayador d'un programa de formación y empléu municipal, y
fórmense en Candás otres árees que refuercen l'ámbitu llaboral.
El consistoriu punxo en
marcha'l taller de empléu “Carreño a punto” que combina
acciones de formación y empléu. Esta acción promovida pol Conceyu
de Carreño ta cofinanciada pol Serviciu Públicu d'Empléu del
Principáu d'Asturies. El costu d'esti proyectu que dura 12 meses
xube a 693.131,95 €, de los cuálos 589.804 euros son aportación
del Gobiernu del Principáu y apurriendo el Conceyu 93.627,10 €.
Esti proyectu de
formación y empléu va facilitar una esperiencia llaboral temporal a
trabayadores en desemplegu de llarga duración, cola cuenta
d'ameyorar les sos posibilidaes d'insertamientu llaboral adquiriendo
nél una formación acreditada al empar que van faer práctiques
profesionales que van contribuyir al cuidu y caltenimientu de los
espacios públicos locales.
D'esta miente, cola
maestra del programa, Remedios Expósito Alonso, 30 trabayadores con
adscripción a esti proyectu, tán realizando acciones formatives:
-Pa la consecución del
Graduáu n'Educación Secundaria: 10 persones presentáronse a les
pruebes oficiales que se celebraron el día 6 de xunu y
qu'entendieron los ámbitos científicu tecnolóxicu, de la
comunicación y social. D'esta miente, quién superen les pruebes van
tener la oportunidá de llograr el Graduáu n'ESO y les competencies
básiques al traviés de programes específicos, lo que-yos dexará
incorporase, en concluyendo'l programa, a la vida activa y/o
prosiguir los sos estudios nes distintes enseñances regulaes na
normativa educativa.
-De refuerzu nes árees
instrumentales de matemátiques y llinguaxe.
-De preparación para
l'alquisición de les Competencies Clave.
-De Formación Xeneral
como sofitu al insertamientu llaboral y de meyora de la empleabilidá.
Tamién tán recibiendo,
so la dirección del arquiteutu, Pedro Samara, la formación teórica
relativa a la estructura de los dos Certificaos de Profesionalidá
que tán desenvolviendo: Operaciones auxiliares d'acabaos ríxidos y
Llimpieza n'espacios abiertos ya instalaciones industriales. Según,
n'árees tresversales como la Competencia Dixital y la Prevención de
Riesgos Llaborales. Tou esto acompañáu de visites formatives y de
conocencia de los recursos (d'atención ciudadana, patrimoniales,
artísticos y mediuambientales) qu'ufierta'l conceyu de Carreño.
“Trátase de dar una
formación integral col fin de consiguir el nuesu oxetivu la meyor
empleabilidá de la trentena de persones que conformen el nuesu
alumnáu” – señaló Remedios, maestra del taller d'empléu.