El Médicu Deportivu de la Mancomunidá Cabo Peñes Doctor Vicente González, tamién apocayá nomáu Coordinador de la Estratexa de Salú Municipal en Carreño, recibió esti vienres 11 de payares, de manes de l'Asociación Amigos del Deporte, el Premiu Delfos a los valores humanos 2016 en gala celebrada en La Felguera na que'l Conceyal de Deportes, Gabriel Rodríguez, tuvo presente representando al consistoriu.

Vicente González destacóse por una intensa y destacáu llabor profesional al traviés del PDM de Carreño y Mancomunidá amás del desenvolvimientu de numberosos programes y actividaes formatives, educatives y de promoción de la salú, gociando del respetu y almiración de persones usuaries, vecines de Carreño y Gozón al traviés del serviciu acomuñáu de Medicina Deportiva.
De Vicente González, el xuráu destacó nel so fallu que «lleva toa una vida venceyáu al deporte, como atleta, primero, y como médicu, dempués». Amás de valorar «l'altruísmu, xenerosidá y la dedicación a los colectivos más desfavorecíos»

Na Gala premióse tamién a destacaes figures del deporte rexonal como l'internacional de Balonmano Alberto Entrerríos, la diplomada n'Educación Física Luz María Gutiérrez, el montañeru José Luis Llamazares, el duatleta ya investigador Héctor Moro, y la xueza asistente de fútbol Judit Romano.