Inaugurada esti vienres 19 de xunetu nel Muséu Antón les esposición “Líneas” d'Iván Fernández, antiguu ganador de la beca Antón de la institución.
L'artista candasín Iván Fernández amuésanos la esposición “Líneas” una visión personal na que describe tou un procesu artísticu creativu que la so resultancia final son tables de surf que de la mesma recueyen el trabayu previo y siguío d'años mientres los que se foi creando y conformando la obra escurrida por Fernández al traviés de les llínees y les formes, dafechu implicáu tamién na ellaboración material y técnica de la obra.
Consigue l'artista finalmente comunicar un ambiente llimpiu en consecuencia cola naturaleza de la disciplina del surf y les técniques artístiques emplegaes pa la ellaboración de los diseños que dan vida a les tables, utilizando tamién pa ello un vídeu, “Líneas, A Surf Poem”, escoyíu na selección oficial del Milano Surf and Skate Film Festival 2018, onde se describe tol procesu creador hasta la puesta sobre les foles na redolada del Cabu Peñes pol mesmu artista.
La esposición va permanecer abierta al públicu hasta'l 1 de Setiembre nos horarios habituales del Centru d'Escultura Candasín.
Albandi
