Güei,
Domingu, 28 de xunetu, la entidá ensin ánimo
d'arriquecimientu “Candás Pesca Deportiva” y la Federación
Asturiana de Pesca y Casting entamaron nel puertu y agües de Candás,
el Campeonatu d'Asturies de Pesca dende embarcación fondiada.
N'esta
xornada matinal de pesca deportiva destacó el club de pesca local
alzándose l'equipu candasín con tres medayes individuales y les
d'Oru y Bronce per equipos.
Nel
apartáu de pieza de mayor pesu, el galardón tamién quedó na nuesa
villa, nes manes de Rubén Sánchez con una pieza de 2,095 kgs.
Equipos de distintos llugares de la xeografía costera asturiana
participaron n'esti eventu deportivu, que amás d'una escelente
organización cuntó cola ayuda de los elementos n'una radiante y
soleyera xornada que favoreció la competición deportiva.
El
total de pexe obteníu, foi donáu solidariamente a la organización
“Proyecto Hombre” con presencia en Carreño.
Al
actu allegó en representación del Ayuntamientu de Carreño, el
Conceyal Juan José Fernández.
Albandi
