Candás cueye fuelle pal Festival de Bandes de Gaites

Del 25 al 28 de xunetu la villa va acoyer el Festival de Bandes de Gaites - que se celebra dende 1997 ininterrumpidamente- y ye l'únicu n'Asturies que se celebra dedicáu puramente a Bandes de Gaites.

Candás cueye fuelle pa encarar una nueva edición del so emblemáticu festival.

Anque'l festival realizase na villa, tien una amplia repercusión nel conceyu y en tol Principáu d'Asturies. Con él poténciase la cultura asturiana, al tiempu, que se xenera actividá económica y ábrese una ventana al mundu que sirve d'escaparate pa la nuesa música, llingua y tradiciones con más raigón.  Tamién nos ayuda a potenciar la imaxe d'Asturies nel esterior, especialmente nos países del denomináu Arcu Atlánticu, fomentando les relaciones ente les distintes comunidaes que lo formen.

“Esta celebración tien enforma enraigono na sociedá carreñese qu'añu tres d'añu s'implica viviegamente na celebración del mesmu non solo como espectadores sinón collaborando na organización del mesmu. Sirvan, a manera d'exemplu, la collaboración de les pymes del conceyu y particulares. Los comercios locales contribúin con aportaciones económiques o n'especie esiste una figura d'Establecimientu collaborador col Festival de Gaites Villa de Candás”. Tien una peramplia repercusión a nivel nacional ya internacional, nesta edición participen agrupaciones d'Asturies, Galicia, y Portugal.  Atrai gran arribación de visitantes del esterior, especialmente procedentes de los países denominaos del Arcu Atlánticu” – señaló l'Alcaldesa na presentación.

“Ensin dulda, la calidá de los actos programaos nesti Festival supon una manifestación de promoción y puesta en valor de la cultura y tradiciones populares asturianes. Celébrase nel mes de xunetu, polo que refuerza y desestacionaliza l'arribación de visitantes al nuesu conceyu, yá que ensin realizar actividaes cómo esti Festival, el mes más fuerte, pal nuesu conceyu sería'l d'Agostu coincidiendo col Festival Gastronómicu de La Sardina” –añedió la rexidora.

Nesta 23 edición van participar 6 Bandes de Gaites procedentes de Portugal, Galicia y Asturies nel actu central del festival que va tener llugar esti Sábadu, 27 de Julio a les 23:00 hores nel Parque de Les Conserveres. Amás programáronse otra serie d'actividaes como mercáu tradicional, pasacais o conciertu folk en distintos llugares de villa marinera o los concursos de pareyes de gaita y tambor y el concursu de cuerpos de percusión. Como novedá, nesta ocasión los concursos van pasar a celebrase na tarde del vienres y la mañana del sábadu. D'esta forma la pareya ganadora y el cuerpu de percusión ganador van participar como solistes nel actu central del sábadu pela nueche. 

Programación de la XXIII edición Festival de Bandes de Gaites de “Villa de Candás”:

Xueves 25 de xunetu:

• 19:15 h: Pasacais y conciertu de la Banda de Gaites de Candás. Dende La Baragaña hasta la Plaza de Hermanos Helio.
Inauguración y apertura del Mercao Tradicional . Allugáu na Plaza Hermanos Helio mientres los díes de la celebración del Festival.

Vienres 26 de Julio:

• 13:30 h: Pasacais y conciertu de Los Gascones. Poles cais de la villa: Plaza Hermanos Helio – Valdés Pumarino – La Baragaña
• 18:00 h: VI Concursu de Pareyes de Gaita y Tambor Villa de Candás “Memorial Diego Alonso”. Na Plaza de La Baragaña.
• 19.45 h: Entrega de Premios.
• 20:00 h: Conciertu del grupu folk D’URRIA. Nel escenariu instaláu na Plaza de La Baragaña.
• 21:00 h: Pasacais polos establecimientos collaboradores al cargu de la Bandina BacalhauGrehau.
• 23.00 h: Nueche de Gaites nel escenariu instaláu na Plaza de la Baragaña.
✓ Pasacais de les Bandes participantes poles cais de la Villa. Colexu Poeta Antón - San Antonio - El Cueto - Valdés Pumarino– Plaza de La Baragaña.
✓ 23:30h: Conciertu del grupu de folk CEREZAL 
✓ 00:45h: Conciertu d'al cargu de Los Gascones y de siguío escenariu llibre.

Sábadu 27 de xunetu:

• 12:00 h: VI Concursu de Cuerpos de Percusión “Villa de Candás”. Na Plaza de La Baragaña.
• 13:00 h: Pasacais polos establecimientos collaboradores al cargu de la Bandina En Cunca.
• 13:30 h: Pasacalles y Conciertu de la Banda de Gaites el Gumial poles cais de la Villa: Teatru Prendes – Santarúa – Plaza de La Baragaña.
• 14:00 h: Pasacais y Conciertu de la Banda de Gaites Xinzo de Limia poles cais de la Villa: Plaza Hermanos Helio – El Cueto – Valdés Pumarino– Plaza de La Baragaña.
• 14:15 h: Pasacais polos establecimientos collaboradores al cargu de la Bandina En Cunca.
• 19:00 h: Pasacaies de la Banda de Gaites El Gumial dende la Plaza Hermanos Helio hasta Plaza de La Baragaña pasando pola cai Braulio Busto.
• 19:30 h: Pasacais de la Banda de Gaites Sao Tiagode Cardielos, dende la Plazoleta d'El Cueto hasta la Plaza de La Baragaña pasando pola cai Valdés Pumarino.
• 20:00 h: Pasacais de la Banda de Gaites Xinzo de Limia dende la Plaza Hermanos Helio hasta Plaza de La Baragaña percorriendo la cai Braulio Busto.
• 20:15 h: Pasacaies polos establecimientos collaboradores de la Bandina Bacalhau Grelhau.
• 22:45 h: Pasacais de toles Bandes participantes nel XXIII Festival. Dende la Plaza Hermanos Helio hasta'l Parque de Les Conserveres.
• 23:00 h: XXIII Festival de Bandes de Gaitesde “Villa de Candás”. Nel escenariu central allugáu nel Parque de Les Conserveres actuación de:
Banda de Gaites El Gumial ​​Banda de Gaites Sao Tiago de Cardielos

Banda de Gaites Xinzo de Limia​

Bandinad’escolinos de la Banda Gaites Candás

Banda Gaites Candás

• 00:45 h: Pasacalles de toles Bandes participantes nel XXIII Festival dende'l Parque de les Conserveres hasta la Plaza de La Baragaña 
• 01:00 h: Conciertu del grupu de Folk CORQUIEU nel escenariu de La Baragaña.

Domingo 28 de xunetu:

• 12:00 h: Pasacais polos establecimientos collaboradores de la Bandina En Cunca.
• 13:00 h: Pasacais polos establecimientos collaboradores de la Bandina Bacalhau Grehau
• 13:30 h: Pasacais de la Bandina d’escolinos de la Banda Gaites Candás
• 14:15 h: Pasacais polos establecimientos collaboradores de la Bandina En Cunca
• 19:00 h: Pasacais de la Banda Gaites Castrillón dnsde la Plaza Hermanos Helio hasta la Plaza de La Baragaña.
La organización acútase'l derechu de modificar esti programa en casu de que fuera necesariu 

Pie de semeya:
De izda a derecha les conceyales, Cecilia Tascón y Paula Cuervo, l'Alcaldesa, Amelia Fernández, Daniel García, Presidente de la Banda de Gaites y Conchi Rodríguez, directiva de dicha entidá.