Esti 6 de xunetu a les 20 h. tuvo llugar el Pregón de les Fiestes de Perlora al cargu de Gerardo Fernández Alonso nel Pabellón Braulio Suárez.

Gerardo ye'l sociu númberu unu del Club de fútbol Victoria de Perlora. Por tar venceyáu a esta entidá y a la parroquia carreñense foi elexíu como pregoneru pola comisión de festexos. El Club deportivu - que anguaño cumple 40 años - foi presidíu pol so suegru Pepe El Moreno. 

 

Gerardo, natural de Candamo, pasó la so mocedá n'Avilés hasta que conoció a la perlorina Rita Prendes. El matrimoniu reside actualmente en Candás onde Gerardo exerció, mientres años, como director del colexu San Félix. Como docente ya xubiláu sigue activu enseñando a neños y mozos nel campu fútbol de Perlora.

 

L'actu del pregón entamó con un saluda de Luís Fanjul, en representación de la comisión de fiestes. Seguidamente Vicente “Cantarines” como pregoneru saliente dexó'l testigu a Gerardo. Al remate del pregón actuó'l coru Nordeste de Candás.