“Les peculiaridaes del sector artesanu, el papel cultural, social y económicu que protagoniza, la so conexón coles señes d'identidá y tradiciones de los pueblos, según la conveniencia d'asegurar la continuidá de les distintes actividaes, faen necesaria y oportuna la celebración d'esti tipu de feries como una de les midíes que garanticen la protección, preservación ya impulsu del sector artesanu” señaló María Rosa Nodal-Conceyala de Turismu.

“Pasearte” 2019 celébrase a lo llargo de dos fines de selmana mientres los meses de xunetu y agostu. El primeru d'ellos dio empiezu esti sábadu enllargándose la cita hasta esti domingu 21 de xunetu. 

Les cinco participantes na XIII edición de Pasiate” son:

·         Susana Álvarez  con "Mis pulseras y demás". Vienta de bixutería, camisetes

·         Ester Llamazares "Tela Marinera”. Pieces feches a ganchiyu, cobertores, chall, muñeques, bolsos, …

·         Sonia Paraja "Taller Ventolín Artesanía". Cuero 

·         Alicia Güerta “Caricoxes cerámica”. Cerámica 

·         Rita Prendes. Pieces de cerámica  

“L'oxetivu d'estos mercaos artesanales ye favorecer el desenvolvimientu del sector artesanal de la contorna, favoreciendo la creación d'unos calces de comercialización nos que recuperar y caltener les manifestaciones artesanales de la zona, favoreciendo'l fomentu, la divulgación de les técniques y enseñances artesanales” comentó la Conceyala. 

La segunda edición de Pasearte” 2019 va tener llugar el sábadu 24 y domingu 25 d'agostu de nuevu n'El Paseín.