XXX Feria de les Conserves de Candás

Una vegada más el puertu de Candás vuelve acoyer dende esti Xueves, 18 de xunetu hasta'l Domingu, 21 una nueva edición, la trenta, de la Feria Rexonal  de Conservas de Pescado, un eventu col que se rinde homenaxe a la tradición conservera de la localidá.

Cola celebración d'esti certame agroalimentariu, Candás vuelve ser centru neurálxicu de l'actividá mercantil conservera. Nel añu 1915 funcionaben na villa casi una decena de fábriques de conserva y salazón. Pero por cuenta de la paulatina amenorga de les captures de pesca, a los procesos industriales cercanos na contorna, a les nueves normatives,... el númberu de conserveres foi amenorgándose hasta sumir como tal, nun pasó lo mesmu coles sos instalaciones y hestoria.  Les rexones que miramos al mar Cantábricu caltenemos dende tiempu tras fuertes semeyances y venceyos nel campu de l'actividá pesquera. Les actividaes mercantiles consiguientes y los procesos d'ellaboración del pexe pal so posterior comercialización desenvolvíense o desenvuelven en paralelu en puertos como Candás, Castro Urdiales, Bermeo o Mutriku” señaló María Rosa Nodal-Conceyala de Turismu.

La feria turística-comercial ta consolidada como referente de ventes de conserves nel norte del país. Nesta edición, coincidiendo cola trenta edición van participar 19 empreses conserveres. A les yá veteranes empreses qu'alleguen cada añu al puertu candasín xúnese, per primer vegada, la empresa conservera Anchoes Hazas de Llastres, y conserva Ana María de Santoña. Y como novedá y escepcionalmente, nesta edición tan especial, va tar presente la conservera Ortema de Navarra,xuna empresa dedicada a la conserva de los productos de la tan prestixosa güerta de Navarra, nos que nun pueden faltar los pimientos del piquillo qu'en determinaes ocasiones acompañen al pinchu d'anchoes” prosiguió la Conceyala “

"Amás, y gracies al alcuerdu de collaboración pal fomentu de l'actividá turística, robláu na Feria de Turismu de Madrid  (Fitur) ente'l Conceyu de Carreño y el Conceyu de Arganda, la participación d'una empresa del conceyu qu'ufierta Aceite d'Oliva Virxe Extra Premiun. Mientres los díes de la feria esta empresa va llevar a cabu la presentación y una degustación del productu por excelencia, y que nun puede faltar, de la cocina española” comentó Nodal

En total diecinueve empreses conserveres procedentes d'Asturies, Cantabria, Galicia, Málaga, País Vascu y Navarra van ufiertar una amplia variedá de conserves y platos precocinaos qu'ensin dulda van satisfaer los cielos de les boques más esixentes.

Mientres los cuatro díes, van desenvolversena feria diverses actuaciones musicales al cargu de distintes entidaes del conceyu como la Banda Gaites Candás, el grupu de baille “San Félix” de Candás. Y como complementu a la feria van instalase na escampada ferial trés obradores del conceyu que van vender marañuelas de Candás so la marca de calidá “Alimentos del Paraísu”. Asina mesmu como actividá extra entamemos les gastroxornaes “Candás te da la lata” nes que nos establecimientos d'hostelería participantes podrá tastiase pinchos ellaboraos a base de conserva” - esplicó la Conceyala.

Va habilitase tamién  un puntu d'información turística na feria, con visites empuestes a la esposición permanente de la industria conservera'l vienres 19, sábadu 20 y domingu 21 de xunetu de 12 a 14 hores y de 18 a 20 hores. Hai programaos talleres infantiles (previa inscripción nel puntu d'información turística allugáu na mesma feria)” remató María Rosa Nodal-Conceyala de Turismu 

Horariu d'apertura de los stands:
·         Xueves (día d'apertura) de 17 a 22 h.
·         Restu de díes, de 11 a 14:30 hores y de 17 a 22 hores.
·         Inauguración: Día 19 de Julio a les 18:30 hores


Programa d'actos y actividaes:

Xueves 18 de xunetu ·

         19:00 h. Inauguración de la XXX edición de la feria. Percorríu institucional cola Banda Gaites de Candás.

Vienres 19 de xunetu ·

         19:00 h. Exhibición y demostración de la ellaboración de l'anchoa al cargu de Conservas Hazas.

Sábadu 20 de xunetu ·
 
12:00 h. Taller infantil “Cocina risondera con conserves” a cargu HuberyAna  (Inscripciones nel puntu d'información turística. Places llindaes: Axudicación de les mesmes por orde d'inscripción)
13:00 h Actuación del grupu de Baille “San Félix” de Candás                    
18:00 h Presentación al xuráu de pinchos participantes nes gastroxornaes “Candás te da la lata”          19:00 h Presentación y degustación de Fructum Aceite d'Oliva Extra Premiun

Domingo 21 de xunetu ·

         12:00 h Entrega de premios de la Gastroxornaes “Candás te da la lata”
·        17:00 h. Talleres y xuegos infantiles  “Baxo Maíz” de Pilar Vega