L'actividá impulsada dende la área de Mocedá del Conceyu de Carreño tuvo coordinada pola oficina Joven de la Mancomunidá Cabo Peñes y executada, tres el correspondiente procesu de llicitación, pola empresa Vita Events.
El programa d'actividaes previstu arrincó'l pasáu 1 de xunetu y remató esti mes participando nél un total de 210 menores. Talleres de diverses temátiques, actividaes multideportives, culturales, xuegos al campu y salíes a la Sablera fueron dalgunes de les propuestes desenvueltes. A esta ufierta municipal sumóse la ufierta d'actividaes de los clubes y entidaes de Carreño, como los campus deportivos que faciliten la conciliación en periodos vacacionales.
“Tratamos d'ufiertar una programación d'actividaes en periodu vacacional nel que puedan compartir esperiencies que nun suelen tenese mientres el periodu escolar, amás d'ayudar na conciliación familiar” – señaló Paula Cuervo.
Les instalaciones del Centru Polivalente "La Baragaña" de Candás y el Centru Social de la Urbanización de Xibares acoyeron actu de clausura de les colonies infantiles municipales del branu 2019.
L'actu de clausura cuntó cola presencia de la conceyala del Conceyu de Carreño, Paula Cuervo, la responsable de la Oficina Joven Begoña Cortázar, monitores de les colonies y los verdaderos protagonistes de la xornaes, los neños y les neñes participantes na actividá, que tuvieron acompañaos/es poles sos families.
Nel actu de clausura los as neños/es recibieron un diploma acreditativu pola so participación na actividá.
Les colonies desenvolvieron les sos actividaes de llunes a vienres de 10 a 14 h , participaron 210 neños/es ente 3 y 12 años y tuvieron llugar en Candás y Xibares.
"Dende'l equipu de gobiernu queremos faer públicu'l nuesu agradecimientu a los padres y madres de neños/es pol interés y predisposición qu'amosaron en tou momentu por que los sos fíos y fíes esfrutaren d'estes acciones preparaes pal branu. Faemos estensivu l'agradecimientu a Vita Events y el so grupu de monitores y monitores y al personal técnico de la área de Mocedá del Conceyu pola coordinación de l'actividá" – prosiguió la edil.
Albandi
