Miles de persones esfrutaron de Candás esti 1 d'Agostu col L Festival de la Sardina, un intensu conciertu de los 40 Summer Live nel Muelle de Candás y l'arrogante actuación de Nando Agüeros en Les Conserveres, amás de DJ pa les persones más moces na Baragaña.

Esti vienres siguieron les celebraciones col Rally de la Sidra, Festiamas na Baragaña y la verbena con  Havanna Eventos en Les Conserveres amás de la tradicional traca fin de fiestes.

La L Edición del Festival de la Sardina quixo reconocer y homenaxar a persones implicaes na so nacencia y desenvolvimientu, una gran familia de Candás xunida pola so dedicación continua a la villa marinera.

Nesta ocasión el Festival de la Sardina de Candás, declaráu Fiesta d'Interés Turísticu Rexonal, cuntó con 7 establecimientos d'hostelería, unu más que na pasada edición, y de los cualos dos participaron per primer vegada nel festival. 

• Brisas Candasinas- Candás

• Casa Repinaldo-Candás

• Sidrería Nordeste-Candás

• Restorán La Marina-Lluanco 

• El Frontón-Xixón

• Hotel El Principado-Candás (debutante)

• Pizzería El Diañu-Candás (debutante)

L'Alcaldesa de Carreño, Amelia Fernández, presidió los actos, tando acompañada por una nutrida representación d'autoridaes de la rexón que nun quixeron perdese'l nuesu gran eventu gastronómicu.

Vicepresidenta de la Xunta Xeneral del Principáu y Diputada Autonómica, María Celia Fernández Fernández.

Directora Xeneral de Agroalimentación la candasina María Jesús Aguilar Menéndez.

Director Xeneral de Pesca: Francisco J. González Rodríguez.

Diputáu Autonómicu, José Ramón Fernández Castro.

Alcalde de Llanera, Gerardo Sanz Pérez.

Alcaldesa de Ponga, Marta María Alonso Guijarro.

Conceyal de Cultura del Ayto. de Gozón, Manuel Hernández Barrio

Fundación Sandra Ibarra de Solidaridá frente al Cáncer:

Presidenta: Sandra Ibarra López.

Secretariu: Juan Ramón Lucas.

Voluntaria n'Asturies: Leticia Fernández

Les sardines d'honor nesta L Edición fueron pa:

Joaquín Rodríguez, ideólogu del Festival de la sardina en 1970,  

A la veterana Peña'l Nodo  n'homenaxe a tolos asadores que fixeron hestoria nel festival, 

Chef Pedro Morán Quirós por collaborar col Festival de la sardina dende 1993 ellaborando les bases del festival y siendo dende entós presidente del xuráu de cocineros profesionales, 

Ángel Riego, alcalde eméritu, por dar un nuevu impulsu al festival consiguiendo mientres unu de los sos mandatos  que'l mesmu fuera Fiesta d'Interés Turísticu Rexonal, 

A títulu póstumu pal apocayá fináu César Pérez por diseñar el troféu que dende mediaos de los años noventa apúrrese a los premiaos 

Y pa'l Chef Dani García que viniendo de la tierra del espeto va suponer cola so participación como xuráu un nuevu impulsu al mesmu pa intentar consiguir  asína que'l festival sía declaráu Fiesta d'Interés Turísticu Nacional.

El xuráu tuvo integráu polos siguientes reconocíos chefs y profesionales:

-Pedro Morán y Marcos Morán del Restorán Casa Gerardo-Carreño. Pedro una vegada más presidió'l Xuráu.

-Luis Alberto Martínez de Casa Fermín-Uviéu 

-Juan Rivero de Casa Tataguyo-Avilés

-Abel Terente del Asador d'Abel-Siero 

-Eduardo Méndez Riestra-Presidente de l'Academia Asturiana de Gastronomía

-Daniel Garcia, (Marbella, Málaga; 30 d'avientu de 1975) ye un restaurador y empresariu español. L'artesanu del sabor. 3 estrelles Michelin. Formáu na Escuela d'Hostelería de Málaga La Cónsula, en 1996 empecipia la so carrera de la mano de Martín Berasategui, siendo nestos años nos que se reafita la so vocación y pasión pola gastronomía, definiendo'l so estilu de cocina y escoyendo el sabor como denominador común de la mesma. Y ye que Dani se define a sigo mesmu como un artesanu del sabor que consigue aunir n'un mesmu platu los productos propios de la so tierra coles técniques ya ingredientes de la cocina más internacional.

El xuráu visitó mientres la tarde del 1 d'agostu toos los stands y al rematar realizaron una cata a de les sardines de toos los stands. Puntuáronse les sardines, la sidra y l'aspeutu del stand atendiendo a los criterios siguientes:

• Sardines

Presentación de 0 a 5 puntos

Sabor y testura de 0 30 puntos

• Sidra 

Valoración de la mesma de 0 a 5 puntos

• Stand

Llimpieza y orde de 0 a 5 puntos

Decoración de 0 a 5 puntos

Uniformidá del personal de 0 a 5 puntos- Tao de plancha de 0 a 5 puntos

Finalmente Casa Repinaldo llogró la Sardina d'Oru, Brisas Candasinas la de Plata y Restorán El Frontón de Xixón la de Bronce. Norabona alos premiaos.