La travesía de Les Coses que Floten y la cucaña, animaron sobremanera la tarde candasina d'esti 31 d'Agostu en plenes fiestes per San Félix en Candás. Un añu más un ensame xente acompañó a la travesía y la tradicional y centenaria cucaña nos muelles de Candás.
Les embarcaciones de Les Coses que Floten: viquingos, princeses y pirates ente otres, punxeron el puntu de color, tamién d'humor a esta xornada náutica, ente que na cucaña Adrián García Fernández “Chovo” de Lluanco sfue el primeru n'algamar el ramu de lloréu en categoría masculina, de siguío clasificáronse Rubén Dimitrov (Corvera) y Merio Pello d'Uviéu. En categoría femenina foi Lidia Lavilla Cañedo de Grau la qu'algamó l'allampáu ramu.
Les celebraciones per San Félix siguen col Día Grande esti 1 d'Agostu nel qu'hai que destacar el L Festival de la Sardina, el conciertu de Nando Agüeros en Les Conserveres, los 40 Summer live nel muelle y sesión DJ na Baragaña.
Albandi
