La iniciativa desenvuelta nel Centru de Dinamización Tecnolóxica Local “C@rreño Digit@l” relativa a la organización de formación específica en robótica empobinada a la mocedá del conceyu de Carreño, d'ente 12 y 17 años, buscando'l desenvolvimientu de conocencies tecnolóxiques y científiques y tratando cuatro grandes árees: ciencia, tecnoloxía, inxeniería y matemátiques algamó un tercer premiu PiTIC Ámbitu Local de la convocatoria rexonal Premios Impulso TIC – PiTIC

“Los Premios IMPULSO TIC son la ferramienta de los Colexos Oficiales d'Inxenieros ya Inxenieros Técnicos n'Informática (COIIPA y CITIPA) pa reconocer y compensar el trabayu de persones, empreses ya instituciones que destaquen impulsando la creación y bon usu de les tecnoloxíes de la información en distintos ámbitos: Educación, Ámbitu Local, Ámbitu Social, Empresa y Mención Especial” –indicó l'Alcaldesa de Carreño.

La entrega de los premios va realizase anguaño esti vienres 29 na nueche nel actu social que clausura la Selmana d'Impulsu TIC, nel restorán Bellavista de Xixón. El Coordinador del CDTL y un responsable municipal van allegar a dichu actu.

Los premios iTIC nel ámbitu local como'l que llogró'l CDTL de Carreño reconocen la llabor d'aquellos centros de dinamización tecnolóxica y/o a los profesionales que los xestionen pola so dedicación, bona xestión, iniciatives y resultancies llograes pa los ciudadanos. Estos premios danse en collaboración col Consorciu Asturianu de Servicios Tecnolóxicos (CAST).

Dende la creación d'estos premios autonómicos. Carreño, llogró hasta la fecha, trés premios más. El primeru llogróse en 2013 pa'l CEIP San Félix coles sos Aules TIC, en 2014 llogró premiu'l proyectu presentáu tamién por el CDTL Carreño de automatización de xeres con dispositivos móviles y NFC, y en 2015 premiaron tamién al CDTL Carreño poles actividaes tecnolóxiques pa persones con diversidá funcional. Una iniciativa que desenvolvemos enfocada a buscar la integración d'estes persones nel mundu de los Tics.