Melania Álvarez pronunció, esti 12 de setiembre, ente un Teatru Prendes totalmente llenu, un emotivu pregón con una repasada poles sos alcordances que se convirtió n'una narración de los distintos aspeutos populares y humanos de la nuesa villa marinera. La Conseyera y Vocera del Gobiernu del Principáu reivindicó'l calter invariable qu'estrema a candasinos y candasines ellí onde tean.

L'Alcaldesa de Carreño apurrió a la pregonera la estauína de la Peña Furada, obra del fináu y queríu escultor “César”, amás de vistise Melania Álvarez el pañuelu marineru que bien define al pueblu de Candás, y especialmente nes sos fiestes más representatives.

Tres l'activación del chupinazo per parte de la Conseyera, diéronse por empecipiaes les celebraciones pol Cristu de Candás 2019, les fiestes más tradicionales de la villa marinera de Candás, nes que va poder esfrutase de música y distintes actividaes, amás de la sentida Alborada del 13 al 14 de setiembre, na que s'homenaxa a toles persones que perdieron la so vida na mar.

Finalmente'l Coru Nordeste allantó al públicu con un repertoriu de cantar marineru, habanera y popular.