L'actual axudicatariu de la esplotación del serviciu de Cafetería-bar del complexu deportivu “Vicente López Carril” de Candás va siguir al la esplotación del serviciu hasta l'añu 2021.

“Por cuenta de la finalización del vixente contratu'l próximu mes d'ochobre, y al cumplise'l plazu máximu de duración, incluyíes les prórrogues, licitamos  de nuevu'l contratu alministrativu d'usu privativu pa la xestión y esplotación de la cafetería del Centru Deportivu Municipal.  El criteriu pol que se rixó'l procedimientu d'axudicación, y que vien recoyíu nos pliegos de prescripciones técniques y alministratives, foi un procedimientu ordinario y abierto, nel que se valoró la ufierta económica más ventaxosa, la esperiencia demostrable y les inversiones a realizar nes instalaciones con un máximu de 80 puntos y por otru'l proyectu d'esplotación con un máximu de 20 puntos. Siendo la ufierta de l'actual axudicataria única ufierta presentada. Nel so conxuntu llogró una puntuación de 95 puntos” señaló David García-Presidente del Patronatu Deportivu Municipal.

La duración del presente contrato va ser de dos años primeramente, prorrogable d'añu n'añu hasta un máximu de cuatro, incluyíes los dos posibles prórrogues. Estes aplicaránse por mutuu alcuerdu de la partes antes de la finalización del plazu a valir.

El canon del contratu a satisfaer al Patronatu per parte del axudicatariu va ser de 2.400€ al añu pal plazu de duración inicial del alcuerdu. Añalmente esti canon va actualizase, a añu vencíu, por aciu l'aplicación del porcentaxe d'aumentu qu'esperimente l'I.P.C.. 

Fraccionándose en dolce pagos mensuales de 200 € que tendrán de ser ingresaos dientro de los diez primeros díes de cada mes na Tesorería del Patronatu Deportivu. 

Establecióse, nel nuevu contratu, un periodu de prueba de seis meses, tres el cual, tanto'l Patronatu Deportivu como l'axudicatariu del serviciu podríen dar per rematáu'l contratu avisando de tala circunstancia con un mes d'antelación. 

Dientro del pliegu de prescripciones técniques tán recoyíes una serie d'obligaciones pa la persona concesionaria, ente elles l'horariu d'apertura, que tendrá de garantizar en tou momentu la prestación del serviciu dientro del horariu d'apertura del Polideportivu Municipal de Candás; la llimpieza, según el caltenimientu de les instalaciones adscrites  al serviciu; o l'abonu de los gastos d'enerxía eléctrica que tendrá d'abonase bimestralmente y según la llectura del contador.

“Cola nueva axudicación del serviciu d'esplotación del serviciu de cafetería-bar del complexu deportivu municipal caltenemos un serviciu necesariu que complementa a les actividaes deportives qu'entama tanto'l Patronatu como les distintes asociaciones del Conceyu, dinamizándoles y poniendo en valor unes instalaciones deportives que non solo tienen una llabor deportiva, si non tamién educativu, social, melecinal,..” concluyó'l Presidente del Patronatu.