La nave municipal va disponer d'un nuevu almacén

Siguen avanzando les obres que realiza'l módulu d'Operaciones Auxiliares d'Acabaos Ríxidos y Urbanización del Taller de Empléu “Carreño a punto”, nestos  díes peracaben los retoques nes xeres de rehabilitación efectuaes na nave municipal de La Matiella (Candás).

Tres el saneamientu de los paramentos esistentes y regularización de los soportes, l'alumnáu participante construyó una nueva solera de formigón armáu, un muriu de zarramientu, executaron nuevos enfoscaos y realizaron un pavimentu continuu con acabáu en pintura de poliuretanu.

Con estes acciones faese posible la construcción d'un almacén de cara a homologar eses instalaciones municipales pa poder impartir nueves acciones formatives. D'esta manera tán aplicando nuna obra real les conocencies adquiríes nel so Certificáu de Profesionalidá, que van sirvir p'amontar la esperiencia llaboral directa de los as participantes” – esplicó l'Alcaldesa, Amelia Fernández.