Albandi y Perlora celebraron San Antón mientres el fin de selmana

La celebración perlorina empezó'l Domingu cola procesión pola redoma del templu, misa solemne a les 13 h, presidía por Tino Bada, sacerdote que'l so bisagüelu yera d'esta localidá, y cooficiada por José Manuel García, párrocu de Perlora. Al términu de la celebración llitúrxica la tradicional tuvo llugar la puya del ramu con diversos llotes agroalimentarios al cargu de Pedro Fernández Caballero. 

Pela so parte El vienres y el sábadu tuvieron tamién llugar les fiestes n'honor a San Antón, entamaes pola Comisión de Festexos "Esfoyaza" d'Albandi. La programación festiva arrincó'l Vienres, a partir de les 22 h., col tornéu de brisca por pareyes. El sábadu celebróse la tradicional misa nel templu parroquial cantada pol Coru de Perlora. Darréu procesión y puya del ramu al cargu de “Lolo Pesgana”. Hora y media dempués sesión vermú y música tradicional cola Bandina de la Banda Gaites Candás. Y a les 15.00 hores, comida popular na cancha cubierta del CIR. 

La comida popular cuntó con dos tipos de menú, pa persones adultes ya infantil. Compuestos por pote asturianu, adobu de gochu con pataques, arroz con lleche, agua, vino y gaseosa p'adultos. Y pa'l públicu infantil (hasta 14 años) el menú incluyía platu d'embutíos, adobu de gochu con pataques, arroz con lleche o conu de xeláu, agua, refrescu y pan. La sobremesa tuvo amenizada por un dúo musical. 

 En representación del Conceyu allegaron los conceyales, Cecilia Tascón y Manuel Noceda.