Na redoma del CIR Monte Areo, el Conceyu de Carreño, dispon d'una pista multideporte de 44 m X 22 m. aprosimao empobinada na so exa llonxitudinal según la dirección Noroeste-Sureste. Les solicitúes vecinales más sofitaes, nel últimu procesu municipal de presupuestos participativos, encamentaben al consistoriu a realizar un zarramientu perimetral de la pista esistente pa potenciar más usos y funcionalidá, según ampliar los almacenes esistentes pa dar serviciu a les comisiones de festexos “El Pegoyu” de Quimarán y “COFEVA” d'El Valle. En Noviembre de 2019 la oficina técnica municipal concluyó la redacción del correspondiente proyectu técnicu, que tres el procesu de llicitación correspondiente axudicóse a la empresa Construcción Martínez Monesteriu S.L por un importe de 199.520,05 € y con un plazu d'execución de 4 meses, a cuntar dende la firma de l'acta de replantego.
Con esta actuación van ser trés les pistes polideportivas cubiertes na zona rural de Carreño: Prevera, Albandi y agora ésta.
“Col fin d'aprovechar la lluz natural el zarru que se diseñó dende la Oficina Técnica Municipal va disponer d'un tramu opacu sofitáu sobre'l pavimentu constituyíu por fábrica de bloques prefabricaos de formigón llixeru dispuestos sobre la cimentación de la edificación enriba del que se propón xuna banda tresllúcida que dexe la entrada de lluz natural del esterior. Dicha fábrica executóse pa quedar vista na so cara interna en visu a ameyorar les condiciones acústiques de cancha municipal y la cara esterior acabada con morteru monocapa con acabáu ralláu finu” – avanzó l'Alcaldesa.
“Amás del zarramientu de les instalaciones encetóse la construcción d'un graderíu cubiertu engarráu col escenariu esistente. Col fin de nun llindar l'espaciu destináu a les actividaes deportives optóse por disponelo remaneciendo de l'alliniación de la fachada nordeste polo que dada la topografía del terrén circundante va quedar semiaoterráu” – prosiguió Fernández.
“Les obres contemplen la necesidá de disponer d'otres dos puertes de cara a la evacuación d'ocupantes y de dos sistemes d'estinción de quemes (estintores móviles y boques de riego forníes), afaciendo tamién el sistema d'allumáu d'emerxencia” -afirmó Amelia Fernández.
“ Amplióse l'almacén esistente enllargando l'edificiu que lu alluga en dirección nordeste aprovechando l'espaciu llindáu por un bordiellu empotráu nel pavimentu. Dicha ampliación implicó la eliminación de la fachada (muriu de carga) a la qu'adosó col fin de disponer d'un espaciu lo más diáfanu posible. Resultancia de les obres van quedar trés zones d'almacén, dos del mesmu tamañu y un terceru más pequeñu que va allugar el cuadru eléctricu y va ser d'usu municipal. Los almacenes idénticos van destinase pa dar serviciu la entidaes de la zona siendo d'usu compartíu. L'Asociación vecinal Dolmen y la Comisión de festexos de Quimarán van compartir unu, y l'otru va ser destináu p'almacenar enseres de la Comisión de Festexos COFEVA y el grupu de baille La Folixa de Carreño” - concluyó Fernández.
“ Amplióse l'almacén esistente enllargando l'edificiu que lu alluga en dirección nordeste aprovechando l'espaciu llindáu por un bordiellu empotráu nel pavimentu. Dicha ampliación implicó la eliminación de la fachada (muriu de carga) a la qu'adosó col fin de disponer d'un espaciu lo más diáfanu posible. Resultancia de les obres van quedar trés zones d'almacén, dos del mesmu tamañu y un terceru más pequeñu que va allugar el cuadru eléctricu y va ser d'usu municipal. Los almacenes idénticos van destinase pa dar serviciu la entidaes de la zona siendo d'usu compartíu. L'Asociación vecinal Dolmen y la Comisión de festexos de Quimarán van compartir unu, y l'otru va ser destináu p'almacenar enseres de la Comisión de Festexos COFEVA y el grupu de baille La Folixa de Carreño” - concluyó Fernández.
Albandi
