Na Xunta de la Mancomunidá Cabo Peñes en sesión celebrada esta mesma selmana aprobáronse los Presupuestos de la Mancomunidá Cabo Peñes pal añu 2020.
Al entamu de la sesión tomaron posesión nel ente supra municipal les siguientes concejalas: María Eugenia Fernández Fernández de PSOE Gozón, Beatriz Fernández Antuña de PSOE Carreño y Julia Álvarez-Santullano Mourenza d'IX de Carreño.
El Presupuestu equilibráu en Gastos ya Ingresos xube a 846.116 €. Nel apartáu de gastos los gastos relativos a personal xuben a: 366.210 €. Inclúi Retribuciones y Seguridá Social.
Gastos Corrientes en Bienes y Servicios: 448.906 €. Nesti capítulu destaquen los gastos corrientes de la Piscina: 275.000 € Trabayos realizaos por otres empreses; Gastos diversos de la piscina: 10.000 €; Suministros de la Piscina: 100.000 €; Comunicaciones; 500 €. Amás, los gastos de Material d'oficina, suministros servicios xenerales, comunicaciones servicios xenerales, gastos diversos servicios xenerales, etc. pal normal funcionamientu de la Mancomunidá. Gastos Financieros: 700 €. Gastos Bancarios. Inversiones Reales: 1.800 €. Inclúyense partíes presupuestaries pa Moblame: 500 €; Equipos procesos d'Información: 1.000 € y Edificios y otres construcciones: 300 €. Pasivos Financieros: 28.500 €. P'amortización del Préstamu al llargu plazu de la Piscina col BBVA.
Nel apartáu d'ingresos por Tases, Precios Públicos y otros ingresos prevese recaldar 108.000 €. Los procedentes del Preciu Públicu por usu de la piscina. Tresferencies corrientes: 734.916 €. Inclúi les aportaciones de los Conceyos: 676.716 € y del Principáu d'Asturies 58.200 €. Ingresos Patrimoniales: 3.200 €. Procedentes de la Concesión de la cafetería de la piscina.
El Presupuestu foi aprobáu con 13 votos a favor: PSOE de Carreño (6) y PSOE de Gozón (7).
9 Astenciones: IX de Carreño: 5; IX de Gozón: 2; 2 de SOMOS-Carreño-Podemos. Nun asistió a la sesión nengún representante del Partíu Popular.
Tamién s'aprobó la medría retributivo del personal de la Mancomunidá pa los años 2019 y 2020, col abonu d'atrasos, que foi aprobáu por unanimidá.
L'últimu asuntu tratáu foi la designación de representantes de la Mancomunidá en ADICAP, aprobáu con 14 Votos a favor del PSOE.
Albandi
