Dos floristes de Candás na Copa del Mundu d'Arte Floral

El matrimoniu formáu por Elena González y Fernando Orrio, de la Floristería Yedra, participa na copa del mundu d'arte floral entamada por Interflora na ciudá de Philadelphia. 

L'eventu va tener llugar ente'l 1 y el 3 de marzu. 

El selectu equipu del certame mundial de Interflora España que se movió a Estaos Xuníos ta integráu 8  floristes españoles, ente los 1que tán -representando a Asturies-  los dos de Candás. El restu d'integrantes del equipu organizador español vien de Madrid, Llión Valencia y Almería.

Fernando y Elena tán agora mesmo yá instalaos a 7 km. nel condáu de Filadelfia en Pensilvania trabayando con tolos preparativos previos, buscando tolo que precisen pal bon desenvolvimientu del concursu. 

El concursu mundial contempla'l desenvolvimientu de dellos trabayos florales.

P'alzase cola Copa Mundial tendrán de realizar 4 trabayos nuna primer fase. Lo primero que van tener que faer va ser un trabayu floral alegóricu a l'arquitectura gótica, el segundu un ramu de mano alegóricu a Paul  Cézanne. Y en el terceru tendrán de preparar un arreglu pa mesa pa dos, pensando nel amor y teniendo en cuenta una frase de la escritora y activista Maya Angelou: “L'amor nun conoz barreres. Supera cualquier torga, salta valles, traviesa muralles hasta llegar al so destín final llenu d'esperanza”. Al pie de estos trés trabayos va haber un cuartu trabayu sorpresa. Tres la ronda preliminar habrá una semifinal y una final. 

El martes, 26 yá van tar en Philadelphia peracabando los  detalles de la competición de peraltu nivel onde 23 floristes representantes de Interflora-Fleurop-FTD de too el planeta competirán por alzase col títulu de Campeones del Mundu.

Con más d'un cuartu de millón de visitantes, el Philadelphia Flower Show ta entamáu por The Pennsylvania Horticultural Society y ye una de les feries con más hestoria del mundu, precisamente nun país ensin apenes hestoria. La primer edición remóntase a 1829 y la feria convirtióse en muncho más que una cita profesional, casi nuna atracción turística.

Fernando y Elena, lleven dende setiembre preparando los trabayos faciendo pruebes y más pruebes hasta consiguir l'oxetivu propuestu. 

Fueron meses de duru trabayu pero prestosu y tamos bien contentos de que Interflora España pensara en nós, ye una reconocencia a 32 años d'oficiu y orgullososos de llevar a Candás pel mundu” - señaló Fernando Orrio.