L'Aula de persones adultes de Candás (Aula Mentor) presenta la nueva ufierta formativa pal cursu académicu 2020-2021 que va dar empiezu a metá del mes de Setiembre.
Los oxetivos d'Aula Mentor céntrase n'apurrir una alternativa en materia de formación a la población adulta que nun tien oportunidá d'asistir a la ufierta presencial y que'l so ritmu d'aprendizaxe y/o dedicación rique un sistema totalmente flexible non suxetu nin a horarios nin a plazos de nengún tipu.
La ufierta formativa de l'Aula de Candás materializase nun conxuntu de cursos en permanente actualización, entamaos n'árees formatives y que fueron diseñaos y/o afechos especialmente pa les característiques de potenciales destinatarios/es y de la modalidá d'enseñanza. Dos son los tipos de cursos que:
· Cursos Gratuitos, destacando'l Títulu de Graduáu/a en Secundaria, la preparación de les pruebes llibres pal Accesu a Ciclos Formativos de Grau Medio o la Formación Básica en llingua, matemátiques, nueves tecnoloxíes ya inglés. Amás del Llogru de les Competencies Clave, esto ye, la preparación de pruebes llibres.
· Cursu Aula Mentor. Esisten más de 170 cursos arrexuntaos por materies, ente ellos, Ofimática, Programación, Diseñu Web, Medios audiovisuales, Salú, Enerxía, …
“Aula Mentor” ye un sistema de formación abierta, llibre y al traviés d'Internet sofitáu pol Ministeriu d'Educación y Formación Profesional d'España. Participen viviegamente nesta iniciativa, al traviés de convenios de cooperación, un nutríu conxuntu de Comunidaes Autónomes, Entidaes locales territoriales y Entidaes públiques dependientes de les Entidaes locales territoriales. Como ye'l casu de la Conseyería d'Educación del Principáu d'Asturies, y el Conceyu de Carreño.
Nel mes de Setiembre, y hasta completar matrícula, les persones comenenciudes van poder formalizar la so inscripción na Aula de Persones Adultes de Candás (Aula Mentor) asitiada na cai Santolaya (anexu a la Casa de la Cultura) los siguientes díes:
· Del 2 al 16 de Setiembre, de Llunes a Xueves nel horariu de 10:30 a 12:30 hores.
· A partir del 17 de Setiembre, hasta completar matrícula, de Llunes a Xueves, de 10:30 a 12:30 hores.
Albandi
