Esti 18 de marzu na tarde, foi afayáu'l Xardín Inclusivu de La Baragaña, nel que participó l'alumnáu del taller de cerámica dirixíu a persones con discapacidá funcional dientro de los cursos d'estensión cultural del Conceyu.

L'actuación llevóse a cabu sobre la zona d'intersección ente La Baragaña y Cai Rosal, na que primeramente actuó'l serviciu municipal d'obres preparando l'espaciu pa la instalación de les flores en cerámica ellaboraes por alumnes y alumnos, resultando un vistosu y coloríu rincón con una ganancia estética evidente pa la emblemática plaza candasina.

Al actu asistieron amás autoridaes como Conceyala de Cultura, Directora Xeneral de Servicios Sociales y Alcaldesa de Carreño que, xuntu con alumnáu y numberosu vecinderu presente, afayaron la placa conmemorativa na mesma instalación.