24/3/2016

La Comisión de Siguimientu del Plan d'Igualdá del Conceyu de Carreño integrada por representantes del movimientu asociativu femenín del conceyu y so la presidencia d'Amelia Fernández López, Alcaldesa y responsable de la área d'Igualdá municipal, axuntóse pa determinar la elección de la Muyer del Añu 2016 en Carreño.

Alcordóse, por unanimidá, el conceder la distinción a la Muyer d'Añu 2016 al colectivu de muyeres con una destacada trayectoria na acción social, pola so esperiencia de llucha y empoderamiento nel Tercer Sector. Les entidaes del Tercer Sector son axentes sociales con gran capacidá d'influencia y responsabilidá social y, por tanto, xueguen un importante papel na construcción de la igualdá.

Vamos Destacar, en representación de toles muyeres de Carreño comprometíes cola acción social y la cooperación, a Cecilia Gutiérrez Álvarez-Buylla, voluntaria hasta'l día de güei na Asociación Xixonesa de la Caridá, y Juana María Riestra Alonso, Directora de Cáritas Candás, por ser la de mayor edá y tener amplia esperiencia ostentando puestos de responsabilidá na so organización. Al pie de elles, tamién van ser homenaxaes: María Antonia Morales García, representante en Carreño de l'Asociación Española Contra'l Cáncer; y Covadonga González Pérez, responsable d'Intervención Social en Cruz Roja Carreño. La XV Edición del actu homenaxe a la Muyer del Añu en Carreño va tener llugar el Vienres, 1 d'Abril de 2016 a les 20 h. nel Teatru Prendes de Candás y a él ta previstu qu'allegue Almudena Cueto, Directora del Institutu Asturianu de la Muyer.