El próximu mes d'Abril ponse en marcha'l programa Tiempo Propio na so edición 2016 colos talleres: "Muyer y Arquitectura asturiana” y "Salú y Bienestar”.  

Trátase d'un programa promovido pol Institutu Asturianu de la Muyer que se desenvuelve en collaboración coles Conceyalíes de la Muyer de los Conceyos de menos de 50.000 habitantes.  

El primeru de los dos talleres que se van impartir en Carreño, va ser el taller "Muyer y Arquitectura asturiana", ónde al traviés del estudiu de los exemplos más característicos, como son los horros, les paneres y les cases tradicionales, va podese tantu reparar el patrimoniu, como analizar la so evolución dende la Edá Media, y les particularidaes que presenta nel cada conceyu, según l'impactu que tuvo nel desenvolvimientu de la vida de les muyeres.  

Va desenvolvese los díes 4, 11, 18 y 25 d'Abril de 16.30 a 19 hores, na "Casa de Encuentro de las Mujeres de Carreño".  

Les muyeres comenenciudes n'allegar a dichu taller van poder inscribise del 28 al 31 de Marzu na "Casa de Encuentro de las Mujeres de Carreño" – Plaza Gremio de Mareantes, 2, Baxu. Tfnu: 985872029. La llista d'almitíes va publicase'l Vienres 1 d'Abril pela tarde, na sección noticies de la páxina www.ayto-carreno.es.