L'Ayuntamientu de Carreño, executa les obres necesaries pa la meyora d'esti vial local. Tràtase d'un camín públicu que se desenvuelve a media fastera na parroquia d'El Pieloro, y nel so marxe en terremplén esiste una propiedá privada con vivienda que ta recibiendo gran parte de l'agua de escorrentía del camín, afectando fuertemente a la vivienda esistente. Esta obra, tres el correspondiente procesu de llicitación, axudicóse a la empresa Asfaltos Arlos, S.L. por importe de 45.585 €. 

Trátase d'un camín  que taba con finos d'escories y ta bastante afectáu pola acción de l'agua pluvial; anque'l camín tien una cuneta a cuerpu de turria, al tratase d'una cuneta de tierra, l'agua que circula per ella penera al traviés de la escoria, lo que provoca'l deterioru del firme. Por ello faise necesaria una intervención nel camín de manera tal que revierta esta situación.

“Les actuaciones que se tán desenvolviendo consisten fundamentalmente na meyora del sistema de drenaxe superficial del camín. Pa ello, va modificase la traza vertical del mesmu na zona que queda xusto delantre del muriu que cierra la parcela onde se producen les afecciones. Nun primer tramu prevese faer un rellenu del camín con zahorra artificial, p'arreglar el cuéncanu que se produz nel mesmu y que fai que s'atropen les agües; y nun segundu tramu va faese una escavación p'afaer la traza a la esistencia de la entrada de vehículos a la propiedá. Pa poder llevar a cabu esti movimientu de tierres, va aumentase el muriu de zarru de la parcela a tou lo llargo del frente de la mesma escontra'l camín. Esti aumentu va realizase en formigón armáu y va dir fondiáu al muriu esistente. Pa ello contempla'l desmontaxe y posterior reutilización de la malla del zarru sobre'l muriu” – esplicó Manuel Noceda, edil de zona rural.

Como obra complementaria, contemplóse'l faer el rebaxe de la cuneta-bordiellu nos alcuentros con otros caminos o entraes a parceles, y l'acondicionamientu de les mesmes por aciu solera de formigón en masa de 15 cm d'espesura media.