Dientro del marcu de la XI Ronda teatral que promueve la Conceyalía de Cultura del Conceyu de Carreño, este 5 d'abril a les 19 hores va tener llugar na Comunidá Terapéutica de Proyecto Hombre una función de Teatru. Va Intervenir la compañía “Padre Coll” con la obra “Sainetes asturianos” y el monologuista Velino “el Rilu”.
Con esta sesión ponse el broche final a la XI Ronda de teatru pol conceyu. Como vien siendo habitual al zarru de les funciones va asistir representación vecinal del conceyu carreñense.
Nel intre d'esti actu de zarru de la Ronda Luis Manuel Flórez, Floro , presidente y alma máter de Proxectar Hombre - entidad que la so llabor ta entornada n'ufiertar soluciones en materia de tratamientu y rehabilitación de les drogodependencias y otres adicciones – va faer entrega de la insinia de plata de la entidá al alcalde eméritu de Carreño, Ángel Riego González.
La entidá, que trabaya tres árees fundamentalmente como la prevención del consumu de drogues en distintos ámbitos, la rehabilitación y reinserción de les persones drogodependientes, va apurrir el Pin de Planta de la Comunidá Terapéutica en reconocencia al llabor de Riego na so etapa como rexidor.
En dichu periodu, el Consistoriu de Carreño articuló, amás de collaboraciones económiques puntuales cola entidá pa contribuyir a financiar l'atención qu'empresten a persones con problemes d'adicciones y a les sos families, toa uns serie de proyectos colaborativos cola comunidá terapéutica. Collaboraciones que dexaron que, a día de güei, les persones que moren a la Comunidá puedan aportar a los servicios públicos municipales como'l vecinderu de Carreño. Asina empezaron a vistar del Teatru Priendes, a esfrutar de bon cine, bon teatru y bona música, a recibir formación en materia de tecnoloxíes de la información y la comunicación, a poder anovar la demanda d'empléu nel Centru de dinamización tecnolóxica, tamién a usar les instalaciones deportives, etc.
Albandi
