L'Ayuntamientu, a pidimientu del Club Patín de Candás, dexa l'usu, de la pista polideportiva municipal cubierta de Albandi. La cesión temporal va realizase en collaboración cola entidá vecinal Santiago de Albandi y va ser primeramente mientres los meses de febreru, marzu y abril de 2019 pa los sos entrenamientos.
El Club Patín va entrenar los llunes, martes, xueves y vienres de 19 a 20:30 hores siempres que les condiciones climatolóxiques nun dexen entrenar na pista polideportiva municipal allugada en Candás.
“Al ser una instalación qu'acueye usos per parte de l'Asociación vecinal Santiago de Albandi y de la Comisión de Festexos La Esfoyaza de Albandi, vamos caltener la preferencia d'usu de la mesma a les entidaes de la zona de ser necesaria pa la so actividá les hores o díes referíos. Ello nun implica que pa rentabilizar los equipamientos públicos regúlense más usos compatibles nes pistes municipales” – esplicó'l conceyal de deporte Roberto Bueno.
“Daes les especiales circunstancies y escepcionalidá del casu, el Club Patín Candás non devengará a favor del Conceyu renta nin preciu públicu dalgunu pola cesión d'usu, pero si queda obligáu a la organización/realización d'una exhibición o competición de la especialidá nel conceyu de Carreño, en fecha a determinar, d'alcuerdu, a dambes partes” –comentó'l conceyal.
El Club Patín de Candás creóse nel branu del 2017, ta compuestu nestos momentos por 18 patinadores. Compiten dientro de tolos campeonatos realizaos n'Asturies d'esta modalidá amás de participar en copes d'Europa como la de Portugal, Campeonatos d'España y distintos trofeos por tola Península.
Tres esta cesión d'usu, el Club cola collaboración el Conceyu de Carreño y el Patronatu Deportivu Municipal va entamar el próximu Vienres, 22 de febreru, una xornada de puertes abiertes nel CIR d'Albandi (pista polideportiva) pa dar a conocer l'actividá al vecinderu de Carreño. Les persones comenenciudes en participar tendrán d'allegar ente les 17 y 19 hores con patinos y cascu a la pista cubierta de Albandi.
“Dende la directiva del Club Patín punxéronse en contactu col Conceyu p'amosar el so interés en realizar una actividá de puertes abiertes al vecinderu de Carreño daqué que al equipu de gobiernu resultó-y positivu, por que esta práctica qu'en Carreño lleva instalada dende l'añu 2017 conózase y reconoza y animar a si a la mocedá, a los neños y les neñes a probar un deporte que puedan llegar a practicar nel so día a día como una actividá deportiva complementaria más” – concluyó'l conceyal.
Albandi
