El Conceyu de Carreño va flexibilizar l'ampliación de la superficie de terraces incidiendo na so llimpieza

- Les posibles ampliaciones nun van llevar tasa dalguna mientres tol añu 2020, amás, la tasa de terraces bonificará un 50% mientres el 2020.

- van bonificar nun 50% les tases d'agua, recoyida de basura y alcantarelláu pa la hostelería, hotelería y comerciu, pal tercer trimestre. Y va retrasase, hasta Setiembre, el cobru del segundu trimestre.

- 136.000 € del presupuestu municipal van #destinar a dos convocatories d'ayudes económiques y directes a persones autónomes y entamadores (Plan PEREL y Programa RUSTI).

Tolos grupos políticos del Conceyu de Carreño (PSOE, IX, PP, y SOMOS CARREÑO) alcordaron por unanimidá na última xunta de voceros les bonificaciones y l'ampliación de la superficie de les terraces siempres y cuando se respeten los espacios de camín y asegúrese l'accesibilidá.

L'aplicación d'esta midida nun va ser de forma xeneralizada, polo que cada casu va tener que ser estudiáu, previu pidimientu del titular del establecimientu, de forma individualizada per parte de la Oficina Técnica Municipal.

Antes d'adoptar alcuerdos contactaráse por teléfonu colos establecimientos hosteleros y celebráronse alcuentros telemáticos nos que participaron una amuesa de cada zona pa conocer les sos previsiones d'apertura ya incidir nes midíes de llimpieza adoptar. El Conceyu aprovirá-yos a cada zona de terraces d'un mangón por que se llimpie en fondura al términu de l'actividá les zones ocupaes tal que recueye la ordenanza municipal.

Va buscase l'ampliación de la superficie de les terraces d'hostelería d'una forma flexible pero siempres calteniendo l'accesibilidá, la distancia social según les directives en materia de salú correspondientes a cada fase, y la convivencia social.

El consistoriu nun va cobrar nada por esta ampliación del espaciu, y va establecese xuna bonificación del 50% de la tasa por instalación de terraces mientres l'añu 2020.

Tocantes a les tases d'agua, recoyida de basura y alcantarelláu pa la hostelería, hotelería y comerciu, alcordóse retrasar el cobru del segundu trimestre y bonificar nun 50% les tases pal tercer trimestre.

Amás, nel casu de la hostelería local va suspendese'l mínimu de consumu na tasa d'agua pal tercer y cuartu trimestre, polo que namá pagaríen los metros cúbicos consumíos. va fornise asina al sector col comerciu local. Van Pagar toos en función de lo que consuman.

Les bonificaciones son p'aquellos establecimientos que l'actividá que desenvuelven viérase afectada por zarru o sufriera un amenorgamientu de la facturación nel mes anterior a la solicitú d'esta subvención de siquier el 75%. Diches bonificaciones tendrán de ser solicitaes pol suxetu pasivu una vegada modifíquense les ordenances fiscales reguladores de diches tases.

La propuesta de bonificaciones súmase a les midíes económiques locales de sofitu a persones autónomes y entamadores yá aprobaes pol consistoriu, Plan PEREL y Programa ARA, pa les que'l Conceyu destina 136.000 € del presupuestu municipal.

Colos alcuerdos tomaos no qu'a exenciones y bonificaciones de tases refierse, el consistoriu va dexar d'ingresar 40.000€ de los previstos nel presupuestu debíu al COVID19.

Por ello, la Corporación reivindica y repite de forma unánime, una vegada más, la necesidá de que'l Gobiernu s'España dexe la flexibilidá del techu de gastu. Agora más que nunca se debe dexar utilizar el remanente de tesorería del que se dispon tres una bona xestión económica una y bones ésti ayudaría a desaniciar los efectos negativos que'l Conceyu va tener qu'asumir pa caltener el so compromisu d'ayudar a resolver los problemes del conceyu y sofitar el texíu económico local.

Anguaño, toca faer muncho esfuerzu, caltener servicios, aumentar ayudes sociales y económiques p'atender más necesidaes con menos recursos. Por eso, ye necesariu poder usar el remanente. Son recursos municipales que si pudieren emplegase en Carreño tendríamos más capacidá inversora.

Una vegada más, desque'l 14 de marzu empezó l'estáu d'alarma a consecuencia del COVID19, les midíes alcordaes van poder ponese en marcha gracies al consensu políticu, que se va trabayando y coordinando, dende'l principiu, de la crisis sanitaria en xuntes telemátiques de voceros que preside l'Alcaldesa y vienen celebrando semanalmente.