A partir d'esti 2 de noviembre, y hasta'l 30 de diciembre, va realizase la Campaña de Vacunación Antigripal que la Conseyería de Sanidá del Principáu d'Asturies desenvuelve traviés de los Centros d'Atención Primaria del Serviciu de Salú del Principáu (SESPA).

En Carreño les persones comenenciudes van poder recibir la vacunación, previa solicitú de cita, nos Centros de Salú de Candás y Periféricu d'El Empalme en Prevera.

¿A quién va dirixida la campaña?

Como n'años anteriores, la campaña ta empobinada de forma específica a dos grupos de persones: les que presenten un riesgu mayor de sufrir entueyos derivaos del Gripe y toes aquelles que pueden tresmitir la infección a los anteriores por contactos enllargaos. 

DESGLOSE POR GRUPOS

Mayores de 65 años

Persones con indicación médica:

-Enfermos crónicos de cualquier edá, incluyendo inmunodeficiencies, tamién quien carezan obesidá mórbida o enfermedaes que traen disfunciones cognitives.

-Neños y adolescentes con tratamientos enllargaos con salicilatos (aspirina).

-Muyeres embarazaes mientres la temporada gripal.

-Usuarios d'instituciones d'atención a enfermos crónicos o a persones de tercer edá (residencies, viviendes tutelaes y centros de día).

Persones con indicaciones por ocupación:

-Trabayadores sanitarios.

-Trabayadores de residencies ya instituciones qu'atiendan a enfermos crónicos

-Trabayadores de residencies de tercer edá y centros de día.

-Persones que realicen atención domiciliaria de persones en riesgu.

-Trabayadores de servicios públicos esenciales.

-Persones que la so actividá profesional traiga contactos con aves infectaes por gripe aviar.