A lo llargo d'esti exerciciu presupuestariu nel Centru d'Escultura de Candás Museo Antón, avanzóse en materia d'accesibilidá.  

El presupuestu añal previstu pal Patronatu, aprobáu colos votos favorables de tolos partíos políticos con representación y tamién el sofitu de mayoría la representación de los centros educativos y movimientos sociales presentes na sesión de la Xunta, contempló una serie d'actuaciones en materia d'accesibilidá siguiendo les recomendaciones que ASPAYM afitó, nel marcu del estudiu técnicu que realizaron pal Conceyu evaluando les edificaciones municipales.  

Nel muséu de Candás trabayóse nesa llínea encetando nesta añalidá les obres necesaries, pa facilitar l'accesu a les sos instalaciones  a les persones con movilidá amenorgada instalando una rampla a la entrada del edificiu pa salvar el pasu esistente. El diseñu de la rampla, fabricada en madera composite con tables macices de 145x22mm. y grafiadas con trama de puntos, foi realizáu pola Oficina Técnica Municipal. También hubo meyores na rotulación esterior qu'identifica al muséu y habilitáronse unos baños accesibles na planta baxa del edificiu.