Siete
establecimientos de Carreño participen nesta propuesta cultural y
gastronómica qu'arrinca esti Vienres, enllargargándose a l'últimu
Vienres de cada mes, y conclúi nel mes de Mayu.
D'Iviernu
a Primavera xúntense Bon Teatru y Bona Cocina. 7 meses y 7
establecimientos pa tastiar.
La
primer sesión, VIENRES 25 PAYARES 2016 a les 21:00 h. TEATRO MARGEN
(Asturies) presenta: “VUELVA MAÑANA" de Gloria Fuertes
“Esta
primer función ta dientro del CIRCUITU ASTURIANU DE TEATRU 2016. Ye
una comedia musical de costumes con un sentíu del humor bien
castizu. Una hestoria d'enriedos, apariencies, engaños y muncha
picaresca, con pincelaes de la sociedá del so tiempu”– esplicó
Cecilia Tascón, Presidenta del Patronatu Cultural.
NOTA
IMPORTANTE: Venta Entraes el mesmu día de la representación dende
les 20,00h na taquilla del Teatru:
ENTRAES
SOCIU/A: 4 € / NON SOCIU/A: 6 €
“Animamos
al vecinderu de Carreño y conceyos estremeros que nos visiten. Que
venga a Candás a vivir a esperiencia: Bon Teatru y Bona Cocina.
Tolos últimos vienres de cada mes va haber una función de Teatru.
El públicu asistente a la representación va poder tastiar, a la
salida de la función, nos establecimientos participantes
d'unos menúes especiales pa la cena al preciu de 15 € por persona.
Pa poder participar nesta promoción quien participen na actividá
cultural van tener que presentar la so entrada nel establecimientu
collaborador.” – esplicó Amelia Fernández, Alcaldesa de
Carreño.
Los
7 restoranes participantes son: EL LLAGARÓN, EL XIGRIN, EL MAÑO, EL
EMBARCADERO, EL NORDESTE Y CASA REPINALDO, toos ellos en Candás,
según EL EMPALME na parroquia de Prevera.
“Con
toos estos ingredientes, Teatro Margen, so la diestra dirección de
Marisa Pastor, va ufiertar una brillosa composición musical d'Héctor
Braga. El vistosu diseñu de vestuariu de Susana de Dios y la
magnífica interpretación de Cristina Alonso, José Antonio Lobato,
Carlos Mesa y Verónica Gutiérrez, conformen una risondera ya
hilarante comedia que, tamos seguros, va satisfaer al más esixente
públicu y al terminar la función .... nada meyor qu'una BONA
CENA.......¡¡BON PROVECHU!!”
– concluyó la Conceyala de Cultura.
Albandi
