El próximu miércoles, día 2 de Mayu, van empezar les obres
d'arreglu de baches nel empedriáu del Paséu Marítimu que une la
villa de Candás cola parroquia de Perlora.
L'axudicataria del contratu, tres el correspondiente procesu de
llicitación nel que participaron cuatro empreses, resultó la empresa
Obres, Servicios y Construcciones del Principado de Asturias S.L. La
cuál va acometer l'arreglu de los 950 m2 que contemplen el proyectu.
“L'arreglu de los baches que se va acometer supon unos trabayos
consistentes nel llevantáu parcial del pavimentu esistente,
preparación del soporte, recibíu d'adoquín con morteru de cementu
asitiándolo mecánicamente, según el rexuntéu y amaceráu ente
pieces y l'actuación sobre elementos complementarios como son les
tapes de rexistru y cuneta-bordiellu” – avanzó'l conceyal
d'área, Gabriel Rodríguez.
“Esta ye la primer actuación, que se va complementar con una
toma d'amueses pal estudiu patolóxicu que se ta ellaborando dende'l
Conceyu de cara a diseñar una posterior actuación global na
calzada” – afirmó'l conceyal.
“Como n'intervenciones anteriores, va realizase un corte
temporal de tráficu en dambos sentíos. Pa llegar a Candás dende
Perlora va esviase al traviés de la CE-2 escontra l'AS 118, ente que
se va caltener l'accesu al puertu dende la cai Pedro Herrero”
- señaló Gabriel Rodríguez, conceyal d'Urbanismu.
“La parada d'autobuses de Pedro Herrero va quedar anulada
mientres el periodu de la obra que va tar entendíu dende'l día 2
hasta'l 31 de mayu. Llamentamos les posibles molesties qu'esti zarru
temporal pueda causar al vecinderu y empreses, pero se fai necesariu
realizar ensin más dilación les referíes obres” - concluyó
Rodríguez.
Albandi
