CERA Y MAYOR ANCHU DEL VIAL:
Les actuaciones contemplaes nel
proyectu consisten na urbanización del camín de xubida al
campusantu municipal, según accesos a viviendes de la zona y pobláu
promocional de Piñeres, dotándolo de ceres a entrambos llaos del
mesmu. Na marxe esquierda proxéctase una cera de 1,20 metros d'anchu
siguiendo cola yá esistente na primer mazana. Na marxe derecha
proxéctase una cera de 1,80 metros d'anchu que cumpla cola normativa
d'accesibilidá. Nesta cera proxectaránse los puntos d'allumáu
públicu. Dáu'l desnivel esistente ente la rasante del vial y la de
les parceles colindantes sobre les que se proxecta l'ampliación va
ser necesariu executar un muriu de contención de formigón armáu en
dellos puntos del trazáu que la so altor va variar tamién en
función de los perfiles del terrén. Tamién va ser necesariu
executar un tramu de desmonte na zona más alta del camín onde les
parceles colindantes atópense percima de la rasante del mesmu.
NUEVES PLACES D'APARCAMIENTU:
Na redolada de les viviendes del Grupu
Primeru de Mayu prevénse dos places d'aparcamientu en “cordón”
pa lo cual ye necesariu retrasar la posición del muriu de formigón
en dichu entamo. Tamién se va executar el entronque col vial que va
dar accesu a les viviendes proxectaes nel API pa evitar tener que
baltar un tramu de cera nel futuru. Esti entronque va dexar ganar
otros dos places d'aparcamientu en tantu nun se desenvuelva'l citáu
vial. Na parcela asitiada al Sur del campusantu proxéctase un
aparcamientu con 20 places, incluyendo dos pa persones con
minusvalía, lo que cumple los requerimientos de la normativa
d'accesibilidá. Les places van ser en batería cuatro llínies, dos
nos estremos y dos centrales, arrodiando estes places proxectóse un
vial de 4,80 metros d'anchu y de un solu sentíu de circulación pa
facilitar les maniobres d'aparcamientu. Tola plataforma va tener un
desnivel de 2,5% de cayida escontra la canaleta, asitiada al Sur, pa
garantizar la evacuación de les agües pluviales.
INSTALACIONES DE SANEAMIENTU,
SUMINISTRU D'AGUA Y ALLUMÁU PÚBLICU:
Executada la fase de rellenu, van
introducise les instalaciones de saneamientu y suministru d'agua,
según la introducción d'una canalización de doble tubu de PVC
corrugaú sobre la que va escurrir el cableaxe necesariu pa
distribución d'enerxía eléctrica destinada a alimentar la rede
d'allumáu públicu.
Albandi
