El grupu de teatru amateur estrena
directiva y avanza con nuevos proyectos: otra obra d'Oliva ambientada
nun filandón y una ronda d'actuaciones solidaries polos xeriátricos
del conceyu.
Esta mañana nel Teatru Prendes
presentóse la nueva Xunta Directiva de l'Asociación Cultural grupu
de teatru Les Ayalgues de Carreño.
Al actu allegaron la presidenta del
Centro Cultural Teatro Prendes, Cecilia Tascón, l'autor teatral José
Ramón Oliva y la directora del grupu l'actriz asturiana Gemma
de Luis. Amás de casi la totalidá de les actrices de la compañía
arropando a les nueves directives.
Teniendo como maestru de ceremonies al
director del Teatru Prendes Alain Fernández. El cual
aportunó na importancia de la esistencia d'estes muyeres mayores de
50 años que tres una primer esperiencia al traviés de talleres de
tiempu propiu siguen agabitaes, venceyaes al mundu'l Teatru.
Carmen Alonso, presidenta de
l'Asociación, fixo percorríu poles distintes actividaes nes que
participaron a lo llargo del añu 2016 sirvan d'exemplu'l faroleru ,
el salón de teatru costumbrista asturianu en Candás, La Ronda de
teatru per Carreño,.. o los nuevos proyectos como ye la puesta en
marcha de collaboración con un grupu musical de la Fundación Club
de los Ángeles, la creación del nuevu blogue, la participación nel
entierru de la sardina nel próximu antroxu o na representación
"Jovellanos y ellas". O la nueva obra de teatru del
dramaturgu asturianu José Ramón Oliva, que van empezar a
preparar.
Oliva ye l'autor de cámara d'esti
grupu de muyeres. Pa él va ser la tercer obra que los escribe y
señaló "siempre ye un retu escribir una obra específica pa 17
muyeres. Y esti si cabo más, yá que va haber momentos nos que van
apaecer n'escena 10 actrices.
La directora Gemma de Luis faló de la
importancia del papel de la cultura que dende'l Ayuntamientu de
Carreño promovióse gracies a la formación d'esti grupu
de Teatru. Gemma estimó igualmente la predisposición siempre del
Teatru Prendes pa recibir al grupu y a José Ramón Oliva por
escribir pa elles.
"L'Ayuntamientu de Carreño col
sofitu a esti grupu sigue fomentando l'accesu a la cultura ente la
población y sobremanera nun colectivu que poles sos
circunstancies personales nun pudieron aportar a él y que nel
madurar demuéstrennos en cada representación, so la dirección
d'una actriz profesional, qu'unu mientres hora y media puede
escaecese de los sos problemes y llorar, pero de risa"–señaló
Cecilia Tascon, Presidenta del Teatru Prendes.
Mientres la presentación diose conocer
el títulu del nuevu estrenu de la compañía "El Secretu de les
Marañueles". Una obra típicamente asturiana ambientada nun
filandón, el llugar onde d'antiguo les muyeres axuntábense pa falar
de les sos coses mientres cosíen, texíen,...
"La edición del Salón de
Teatru Costumista de Candás, en cursu, vamos empezala con un platu
fuerte, Les Ayalgues de Carreño, el 16 d'agostu. Les que van
inaugurar los dos selmanes de teatru. Amás mientres añu 2017 el
grupu va actuar, a pidimientu municipal, de forma solidaria nos
distintos xeriátricos del conceyu pa faer llegar el Teatru a les
persones que nun pueden averase al teatru"– comentó la
presidenta.
Albandi
