19/5/2016

La Televisión del Principáu d'Asturies TPA estrena esti VIENRES 20 de mayu, n'horariu PRIME TIME 'La batalla de los pueblos', un nuevu programa d'entretenimientu escurríu por Zebra Producciones nel qu'un total de 38 pueblos asturianos van competir ente sigo por ver cuál ye'l meyor.

 Y NEL PRIMER PROGRAMA...LA BATALLA MÁS EMOCIONANTE, LA MAS APASIONADA, LA MÁS FAMOSA... LA BATALLA ENTE CANDÁS Y LLUANCO.

El programa va cuntar con distintes fases. Na primera d'elles, tan solo un pueblu va salir vencedor cada selmana. Darréu los pueblos ganadores van enfrentase en dos semifinales y delles va salir el pueblu ganador que se va llevar un premiu final de 3.000 euros.

Va haber tou tipu de pruebes, xuegos y retos que los participantes de los distintos pueblos tendrán de superar pa imponese a los sos rivales. 


 Los xuegos

"La batallona": Metíos dientro d'una boles enchibles xigantes, seis concursantes (trés de cada pueblu) van emburriase unos a otros hasta que solo un equipu quede de pies.



"La xata de la risa": a falta de vaquilla... toru. En realidá, trátase d'un toru mecánicu, caracterizáu de vaca, sobre'l que los concursantes tendrán d'intentar permanecer xubíos el mayor tiempu posible. Trés valientes de cada equipu van xubise.



"Qué comedia ye esta": El vecín más graciosu del pueblu, con ayuda del so padrín, va tener qu'intentar faer rir a cinco vecinos del rival que primeramente escoyeren ente'l públicu.



 "La xaronca": Versión XXL del popular xuegu de la xaronca. Unu de los vecinos de cada pueblu va amarutar del verde anfibiu y los sos compañeros van tratar d'introduci-y pela cabeza, dende cierta distancia, unos aros de plásticu.

"La patatina pal quilu": Un vecín va enfrentar a una serie d'entrugues sobre Asturies. Con cada erru tendrá de poner una pataca nuna báscula, el primer "sabiu" en llegar al quilu va perder la prueba.

 "Espabila favila": El miembru d'un equipu amarutáu d'osu tendrá d'atrapar al Rei Favila. Dambos van tar colos güeyos zarraos y van emponese poles indicaciones de los sos vecinos.



"Los bolos": Usando les mesmes boles enchibles de "la batallona", los concursantes van xugar unes partíes de bolos humanos".


"El panel": Ye la última prueba y la que va poder faer que tou camude. L'equipu que vaya ganando va poder afayar 2 caxellos y el que vaya perdiendo solamente una.