Humana Fundación Pueblo pa Pueblu,
organización que dende 1987 promueve la protección del mediu
ambiente al traviés de la reutilización de testil y lleva a cabu
programes de cooperación n'África, América Llatina y Asia lo mesmo
que de sofitu local n'España, apurrió al Ayuntamientu de Carreño
unu de los VII Premios Humana de Reutilización del Testil, galardón
que reconoz el compromisu y la solidaridá de la ciudadanía,
conceyos y entidaes públiques y privaes que más contribúin a la
reutilización y reciclaxe de ropa usada n'Asturies.
Por cuenta de la VII Edición de los
Premios Humana a la Reutilización Testil Humana Day, que'l so actu
celebróse esta mañana nel Auditoriu Príncipe Felipe d'Uviéu, el
Ayuntamientu de Carreño recibió un premiu pola ropa recoyida nos
sos contenedores y el serviciu que s'enllantó va cuatro años,
concretamente, en Xineru del 2013, siendo pionera esta alministración
local na implantación d'esti serviciu n'Asturies: APP+ Consultoría
medioambiental. Anguaño n'Asturies funcionen con esta
aplicación cuatro conceyos.
Estos galardones ye la primer vegada
que se celebren n'Asturies, les anteriores ediciones celebráronse en
Sevilla, Barcelona y Madrid.
Los premios apurriéronse mientres la
celebración del Humana Day, un eventu de sensibilización dedicáu a
la importancia de la educación nos países del Sur. Los conceyales
d'Educación y Bienestar Social, Cecilia Tascón y el conceyal
d'obres, Simi Velasco allegaron al actu d'entrega.
“El conceyu carreñense llogró'l
premiu polos sos escelentes rexistros de recoyida de testil,
concretamente pola destacada cantidá de ropa que se deposita nos
cuatro contenedores allugaos en Candás nos que'l vecinderu
apurrió más de 23 tonelaes de ropa nel postreru. Recibimos la
noticia d'esti premiu con gran allegría cuidao que tamién ye una
reconocencia a la ciudadanía del conceyu. Ellos son los verdaderos
protagonistes del funcionamientu de los servicios polos que nos
premien”, señaló Cecilia Tascón, conceyala d'Educación y
Bienestar Social.
Al recoyer el galardón, Cecilia Tascón
espresó públicamente'l so agradecimientu y manifestó:
“Fainos muncha ilusión recoyer el premiu. Quiero estimar la
solidaridá del vecinderu del nuesu conceyu, son los que merecen
realmente'l premiu al donar la ropa que yá nun usen y emplegar
asiduamente l'aplicación pa móviles. Son años de la collaboración
con Humana, a quien tamién quixera felicitar”.
Lo que se premia de Carreño:
En Carreño, nos cuatro contenedores pa
reciclaje testil que tien allugaos la entidá (Humana) ,nel añu
2016, recoyéronse 23.079 Kilogramos de ropa.
El serviciu municipal “Línea Verde”
pol que se premia al consistoriu carreñense empréstase al traviés
de APP+. Amás d'implicar a la ciudadanía na consecución d'un
conceyu más sostenible, facilita en gran midida la xestión diaria
de les persones responsables del propiu Conceyu. Amás d'entainar los
tiempos de reacción, da a conocer situaciones de meyora que de nun
ser pola collaboración ciudadana, el mesmu Consistoriu nun tendría
constancia.
Ye en definitiva un proyectu de
participación ciudadana encuadráu nel marcu de la prestación de
servicios intelixentes nes ciudaes, que engloba los siguientes
servicios:
Portal personalizáu de conteníos
medioambientales
Llínea Verde inclúi un portal web nel
que la ciudadanía y les empreses pueden aportar a información
ambiental xeneral y del propiu conceyu. Dispon de manuales
informativos, ordenances, artículos de lexislación en fondura y
campañes medioambientales mensuales.
Tamién pueden consultase eventos del
sector, actualidá medioambiental ya información propia del Conceyu.
Consultes medioambientales
El ciudadanu va poder plantegar les sos
consultes medioambientales que van ser resueltes por especialistes y
espertos en Mediu Ambiente, nun plazu de 24 hores. Les consultes
pueden realizase al traviés de: formulariu nel portal web, llínea
telefónica directa, y al traviés de cualquier dispositivu móvil
por aciu una app disponible pa tablets y smartphones (dispositivos
android, iphone, ipad y llueu blackberry)
“El tipu d'incidencies que más se
comunicaron en Carreño al traviés d'esti serviciu son aquélles que
faen referencia a defectos nel serviciu d'Allumáu públicu”,
siguíu incidencies en “Ceres y Calzaes”, “Basures” que
se detectaron por dalgún rincón del conceyu y avisos pa realizar
meyores o reposiciones en “Parques y Xardinos”. No que va d'añu,
recibimos un total de 313 avisos por esta aplicación. Ye una
ferramienta na que, cola collaboración vecinal, ameyoramos los
tiempos de respuesta y el serviciu qu'emprestamos dende obres al
tener conocencia de les averíes” señaló Simi Velasco, edil
d'obres.
El Galardón apurríu:
Consiste nun cuadru que ye la
reproducción d'una litografía fecha por un alumnu de los proyectos
d'humana en Mozambique. Una creación fecha por Agostinho José Anbal
Momade, alumnu de 4 º cursu de primaria de Montepuez. Esta escuela y
el so profesoráu formen parte del programa de Sofitu a la Educación
de Calidá, cofinanciáu por Humana y AEDIC ya implementáu por ADPP,
sociu local de la Fundación nel norte de Zambia. La Fundación
pidió-yos que dibuxaren lo que ye pa ellos y elles dir a la escuela.
Otros galardonaos:
Carreño compartió galardón con otros
conceyos y entidaes asturianes.
Llangréu, conceyu que mayor volume de
ropa recicló.
Murios por ser el conceyu que recicló
más quilos de borrafes testiles por habitante.
Otros premiaos fueron Llanera, Colunga,
Castrillón amás de una Asociacion de Llanes, l'Hospital San
Agustín pola xestión de les borrafes y Cogersa pola llabor de
sensibilización y campañes de reciclaxe que realiza. Según
empreses privaes como Masymas y el Centru comercial los Praos, ente
otros.
Sobre Humana:
Humana ye una organización que dende
1987 promueve la protección del mediu ambiente al traviés de la
reutilización de testil y lleva a cabu programes de cooperación
n'África, América Llatina y Asia lo mesmo que de sofitu local
n'España. La organización dispon de 5.200 contenedores pa la
recoyida de ropa y calzáu nes principales ciudaes gracies a los
alcuerdos que caltien con más de 2.000 conceyos y entidaes públiques
y privaes.
Humana dispon de 42 tiendes de ropa de
segunda mano en Madrid (21), Barcelona (16), Sevilla (3) y Granada
(2) que xeneren los recursos necesarios pal financiamientu de los
programes de cooperación. La Fundación lleva a cabo campañes de
sensibilización en redol a la importancia de la reutilización y el
reciclaxe testil pa la protección del mediu ambiente y como fonte de
recursos pa la cooperación nos países del Sur. Forma parte de la
Federación Humana People to People, qu'arrexunta a organizaciones de
32 países.
Albandi
