Vicente González García, claro impulsor y dinamizador del Camping Buenavista de Perlora recibe, nel día de güei, un homenaxe de l'Asociación d'Empresarios de Campings y Parques de Vacaciones d'Asturies.
A los 74 año Vicente va recibir d'un nutríu grupu de compañeros/as la reconocencia al so llabor y dilatada trayectoria, destacando'l so bon faer y la so seriedá nel trabayu nel Camping sito en Perlora. El presidente de l'Asociación d'Empresarios de Campings y Parques de Vacaciones d'Asturies, Ramón Álvarez Abargane fadrá-y la entrega del galardón. El Conceyu de Carreño tamién va tar presente nel actu arropando al homenaxáu.
Nel marcu de la cena añal de l'asociación nel Parador de Cangues d'Onís daránse cita diversos empresarios y empresaries del sector. Nel mesmu actu van reconocer la trayectoria del empresariu carreñense.
Nel añu 1978 los padres de Vicente, y por cuenta de problemes económicos comunes na dómina, empezaron a esquizar na posibilidá d'entamar un negociu de turismu qu'empezaba a tener enforma puxanza y en asesorándose de con otros compañeros del gremiu llanzarónse a l'aventura nel barriu de Dormón na parroquia de Perlora. Xera que nun foi fácil teniendo que desfacese de parte de les propiedaes que teníen, incluyida la casa pa poder financiase.
Al poco tiempu, d'empecipiar esta actividá empresarial el so fíu Vicente – l'homenaxáu - entró a formar parte del ambiciosu proyectu, y empezó a da-y un puntu de vista distintu. Al ser Vicente un profesional de l'albañilería el progresu del camping rápido fíxose notar.
Los empiezos fueron duros y tantu Vicente como la so muyer Benedicta Suárez, a quien familiarmente llamen Beni. Ésta yá taba arreyada nel negociu familiar y realizaba tou tipu de xeres siendo recepcionista- cocinera y calteniendo les instalaciones en bon estáu, daqué qu'en xornada de 24 h. yera malo de cumplir, especialmente cuando los primeros edificios yeren meres construcciones de chapa.
Los tiempos fueron ameyorando y con ellos les instalaciones d'el camping carreñense, el pequenu edificiu social coyía yá forma de gran restorán.
Toos los años, mientres tuvieron al frente del Camping, y tres la temporada braniza, el matrimoniu (Beni y Vicente) percorría otros campings d'España, siempre en busca de nueves idees qu'apurrieren meyores al so negociu.
Mientres tou esti tiempu, y a lo llargo de la so vida, los padres de Vicente siguieron arropándo-yos y apurriendo una gran estabilidá al negociu, ¿Quién nun recuerda los boleros de Vicente padre, más conocíu como “Cantarines”? Los boleros del padre del homenaxáu amenizaben les fiestes del Camping. Tamién pervive na alcordanza de campistes la capacidá que tenía Socorru, madre del homenaxáu pa caltener a a raya a tola vecería.
“Treinta y ocho años dempués de la so fundación el Camping Buenavista forma parte de los grandes negocios de turismu del conceyu de Carreño y ye un exemplu de llucha y sacrificiu pa les xeneraciones vinientes qu'anguaño lo xestionen. El sector del camping y los parques de vacaciones rexistró l'añu pasáu un enclín a l'alza que, afortunadamente, ruempe l'estancamientu que vivió los años anteriores por causa de la crisis. Con esta fortaleza y bona salú del negociu familiar Vicente puede, ensin dulda, esfrutar del relevu xeneracional al frente del mesmu y encarar el futuru con más ilusión si quepe" – concluyó Simi Velasco, conceyal del Conceyu de Carreño y vecín del negociu local.
A los 74 año Vicente va recibir d'un nutríu grupu de compañeros/as la reconocencia al so llabor y dilatada trayectoria, destacando'l so bon faer y la so seriedá nel trabayu nel Camping sito en Perlora. El presidente de l'Asociación d'Empresarios de Campings y Parques de Vacaciones d'Asturies, Ramón Álvarez Abargane fadrá-y la entrega del galardón. El Conceyu de Carreño tamién va tar presente nel actu arropando al homenaxáu.
Nel marcu de la cena añal de l'asociación nel Parador de Cangues d'Onís daránse cita diversos empresarios y empresaries del sector. Nel mesmu actu van reconocer la trayectoria del empresariu carreñense.
Nel añu 1978 los padres de Vicente, y por cuenta de problemes económicos comunes na dómina, empezaron a esquizar na posibilidá d'entamar un negociu de turismu qu'empezaba a tener enforma puxanza y en asesorándose de con otros compañeros del gremiu llanzarónse a l'aventura nel barriu de Dormón na parroquia de Perlora. Xera que nun foi fácil teniendo que desfacese de parte de les propiedaes que teníen, incluyida la casa pa poder financiase.
Al poco tiempu, d'empecipiar esta actividá empresarial el so fíu Vicente – l'homenaxáu - entró a formar parte del ambiciosu proyectu, y empezó a da-y un puntu de vista distintu. Al ser Vicente un profesional de l'albañilería el progresu del camping rápido fíxose notar.
Los empiezos fueron duros y tantu Vicente como la so muyer Benedicta Suárez, a quien familiarmente llamen Beni. Ésta yá taba arreyada nel negociu familiar y realizaba tou tipu de xeres siendo recepcionista- cocinera y calteniendo les instalaciones en bon estáu, daqué qu'en xornada de 24 h. yera malo de cumplir, especialmente cuando los primeros edificios yeren meres construcciones de chapa.
Los tiempos fueron ameyorando y con ellos les instalaciones d'el camping carreñense, el pequenu edificiu social coyía yá forma de gran restorán.
Toos los años, mientres tuvieron al frente del Camping, y tres la temporada braniza, el matrimoniu (Beni y Vicente) percorría otros campings d'España, siempre en busca de nueves idees qu'apurrieren meyores al so negociu.
Mientres tou esti tiempu, y a lo llargo de la so vida, los padres de Vicente siguieron arropándo-yos y apurriendo una gran estabilidá al negociu, ¿Quién nun recuerda los boleros de Vicente padre, más conocíu como “Cantarines”? Los boleros del padre del homenaxáu amenizaben les fiestes del Camping. Tamién pervive na alcordanza de campistes la capacidá que tenía Socorru, madre del homenaxáu pa caltener a a raya a tola vecería.
“Treinta y ocho años dempués de la so fundación el Camping Buenavista forma parte de los grandes negocios de turismu del conceyu de Carreño y ye un exemplu de llucha y sacrificiu pa les xeneraciones vinientes qu'anguaño lo xestionen. El sector del camping y los parques de vacaciones rexistró l'añu pasáu un enclín a l'alza que, afortunadamente, ruempe l'estancamientu que vivió los años anteriores por causa de la crisis. Con esta fortaleza y bona salú del negociu familiar Vicente puede, ensin dulda, esfrutar del relevu xeneracional al frente del mesmu y encarar el futuru con más ilusión si quepe" – concluyó Simi Velasco, conceyal del Conceyu de Carreño y vecín del negociu local.
Albandi
