Les obres d'urbanización del camín de
xubida al campusantu van a bon ritmu. La empresa ARPOSA 60 S.L,
axudicataria del contratu por valor de 334.355,12€, ta
desenvolviéndoles conforme a los plazos establecíos.
El muriu de contención y l'ampliación
del anchu de la calzada asitiaos dambos nel primer tramu de la xubida
yá tán remataos.
Los siguientes trabayos a realizar
consisten na continuación del enanche de la vía pal posterior
allugamientu d'una cera con allumáu y bancos. La
dirección de diches obres ta al cargu de Carmen Penche, arquiteuta
de la Oficina de Xestión Urbanística de la Mancomunidá Cabo Peñes.
"Un detalle importante ye que
la nueva instalación del allumáu va dir soterrada p'asina suprimir
los postes y cableaxe de la vía pública. Soterramientu qu'axustaron
l'Alcaldesa y la dirección de la obra con EDP"
- esplicó'l conceyal de urbanismo Gabriel Rodríguez.
“Esta obra, ye una de les
actuaciones contemplaes en l'alcuerdu presupuestariu con I.U.
La inversión pretende dar un serviciu necesariu y demandáu, non
sólo pol vecinderu de la zona, sinón pol restu de vecinos y vecines
de Candás qu'alleguen diariamente al campusantu municipal”,
concluyó'l conceyal.
Albandi
