En Candás, esti 6 de xunetu, desenvolvióse una intensa xornada nel marcu d'el 2º Eventu Internacional de pa Docentes de Persones Adultes. Alcuentru que se celebra dende'l llunes 3 de xunetu hasta'l vienres 7, pa tolos integrantes del Proyectu Erasmus y dientro del cursu de branu de la Universidá d'Uviéu. Asina los y les docentes van trabayar in situ n'Asturies desenvolviendo competencies pa la busca d'empléu y l'inclusión, una perspectiva internacional.

Representantes d'Italia, Francia, Portugal y Asturies visitaron La Furta en Dupont, l'Aula de persones adultes de Candás, el Centru d'Escultura Muséu Antón y fueron recibíos pola Alcaldesa de Carreño. A lo llargo  del alcuentru n'Asturies estos profesionales de la Educación van encetar esperiencies na planificación de la educación y l'enseñanza de persones adultes y van afondar nel proyectu européu ERASMUS sobro formación de persones en riesgu d'esclusión.

“Quien nos visiten son socios del Proyectu Européu Erasmus KA2, que tien como oxetivu'l diseñu, aplicación, evaluación y sistematización d'un programa de formación en competencies tresversales pal empléu y l'inclusión de persones vulnerables” – esplicó l'Alcaldesa.

Tres un alcuentru-presentación na Universidá d'Uviéu, la delegación europea visitó Candás. 

Concretamente participaron na visita a Carreño una representación de l'Asociación francesa d'enseñances a mayores, tamién del Centru italianu d'adultos de Padua, representantes de la Universidá Abierta de Portugal, integrantes del programa pa mayores, Gema Alonso Martínez, Coordinadora Pruebes llibres ESO, Julia Madalena García, y la Directora de la CEPA de Xixón de quien depende l'aula de Candás.

“Estimamos la oportunidá que nos brinden dende la CEPA de Xixón de que l'aula de Persones Adultes de Candás trabaye con profesionales europeos na programación de competencies pal empléu y l'inclusión de persones vulnerables. Confiamos que la resultancia d'esti proyectu concluya con una bona guía metodolóxica pal personal docente y avanzar na formación de les persones más vulnerables” – concluyó l'Alcaldesa.