Esti vienres 25 d'agostu presentóse nel salón d'actos del Centru polivalente La Baragaña en Candás el I Tornéu Memorial "Saúl Fernández Lara" contra'l cáncer. Actividá deportiva que va tener llugar a primeros de Setiembre en Candás.

La recaldación de les rifes realizaes con camisetes donaes polos Clubes nos que Saúl tuvo venceyáu, ente ellos el Candás CF, según los donativos, van dir directamente destinaos a l'Asociación Española Contra'l Cáncer (AECC). El mozu deportista finó por causa de la enfermedá va trés años.

Nel actu presentáu pola Alcaldesa de Carreño y el conceyal de Deportes Gabriel Rodríguez tuvieron presentes importantes personalidaes del Fútbol asturiano, ente elles, Enrique Castro "Quini", y del deporte polo xeneral, como'l gran piragüista olímpicu candasín Herminio Menendez, representantes de la AECC (la so Presidenta y la vocal que coordina acciones en Carreño, María Antonia Morales Garcia), l'Alcalde eméritu J. Raimundo "Canales", prensa deportiva, televisiones, ex compañeros, amistaes de Saúl y familiares (los sos padres, tíes, los sos trés afiaos, primos,etc). Estimar a la organización qu'escoyeren esta villa como see de los trés díes de tornéu, a los patrocinadores el so sofitu, y a la Federación y a toles persones que punxeron el so granín d'arena p'aunir esfuerzos en fomentar vezos saludables, disciplina y valores, al traviés del fútbol, y recaldar fondos p'ayudar a persones y families na llucha contra'l cáncer.

#SAÚLSOMOSTODOSYTODAS

#ETERNOCAPITÁN