Esti martes 14 de noviembre, va tener llugar nel Salón de Plenos del Ayuntamientuu de Carreño la xunta del xuráu de la Beca Antón d'Ayuda a la Creación ya Investigación Escultórica, encargáu de conceder la ventiavu quinta Beca Antón, patrocinada pola Fundación EDP.

El xuráu ta constituyíu poles siguiente persones: Amelia Fernández López, presidenta del Patronatu Museo Antón, Ángel Moraleda, Carmen Bermejo, Luis Feás, Jesús Rodríguez Rodríguez, Lydia Santamarina, Armando Rodríguez, Daniel Franco, Fernando García Arias, Cristina Acuña y Dolores Villameriel.

Les candidatures qu'opten a la Beca Anton son ventidós, procedentes de diverses ciudaes españoles.

L'oxetu de la Beca ye financiar la ellaboración d'un proyectu espositivu d'escultura, en cualesquier de les sos modalidaes y formatos, llinguaxes, soportes, conceutos, para realizar nes sales d'esposiciones temporales del Muséu Antón de Candás.

La cuantía de la mesma ye de 6.000€ y alla van poder optar tolos artistes o grupos artísticos españoles o residentes n'España, ensin llinde d'edá.

Nos postreros cinco años la Beca foi concedida a artistes de diversa procedencia:

Iván Fernández (Avilés, 1973), Beca 2012, pol so proyectu “Presencias”; Stella Rahola (Barcelona, 1980), Beca 2013, pol so proyectu “Papel”; Belén Rodríguez González (Valladolid, 1981), Beca 2014, pol so proyectu “Plástica”; Lucas Martínez Grullera (Valencia, 1987),Beca 2015, pol so proyectu, ”Tránsitos oceánicos” y María Castellanos (Xixón, 1985) y Alberto Valverde (Madrid, 1967), Beca 2016. pol so proyectu “Ensayo y error del posthumano”.

La Beca empezó a convocase nel añu 1990 col enfotu de sofitar, aguiyar y fomentar les actividaes creatives redolada a la escultura. La mesma inspírase en cierta midida na mesma biografía del escultor Antón que recibió, por cuenta de la so innates dotes para l'arte y a la so capacidá de trabayu, l'ayuda desinteresada de delles persones de la so villa natal, lo que-y dexó desenvolver la so trayectoria artística. Dende l'añu 1998 cuenta col patrociniu pola Fundación EDP.